پاکستان میں گاڑیوں کی قیمتوں میں اضافے نے متوسط طبقے کو بری طرح متاثر کیا ہے۔ کار خریدنا کسی بھی مڈل کلاس سے تعلق رکھنے والی کسی بھی شخص کیلئے ایک بڑا چیلنج بن چکا ہے۔ لہذا، ہم آپ کو پاکستان میں 35 لاکھ سے کم قیمت والی بہترین گاڑیوں کے بارے میں بتائیں گے۔
سوزوکی آلٹو
سوزوکی آلٹو اپنی بہترین فیول ایوریج، سپیئر پارٹس کی دستیابی اور ری سیل ویلیو کی وجہ سے ہمیشہ پاکستانیوں کی اولین ترجیح رہی ہے۔ اس کا بیس ویرینٹ، VX، 22.5 لاکھ روپے میں دستیاب ہے جس کی ڈیلیوری کا وقت 1 ماہ ہے۔ گاڑی میں 658 سی سی مینوئل انجن دیا گیا ہے جس کی شہر کے اندر فیول ایوریج 18 سے 22 کلومیٹر فی لیٹر ہے۔
پاکستان سوزوکی آلٹو
سوزوکی ویگن آر
35 لاکھ سے کم کا دوسرا آپشن سوزوکی ویگن آر ہے۔ اس کا بیس ویرینٹ VXR ہے جس میں 998 سی سی مینوئل انجن دیا گیا ہے جس کی شہر کے اندر مائلیج سے 18 کلومیٹر فی لیٹر ہے جو کہ 32.1 لاکھ میں دستیاب ہے۔ گاڑی میں دی گئی دیگر خصوصیات میں پاور سٹیئرنگ، اموبائلائزر، AC، سٹیریو سسٹم، AUX، اور دیگر فیچرز شامل ہیں۔
ڈائی ہاٹسو مِرا
ڈائی ہٹسو مِرا شہر کے اندر 18 سے 22 کلومیٹر فی لیٹر کی مائلیج دیتی ہے جبکہ اس میں 658 سی سی انجن دیا گیا ہے۔ نئی مِرا کی قیمت 33 لاکھ روپے ہے۔ ڈائی ہاٹسو میرا مختلف جگہوں جیسے جاپان، چین اور انڈونیشیا سے موڈیفائیڈ حالت میں آتی ہے۔
کِیا پکانٹو
کِیا پکانٹواپنی جدید شکل اور اعلیٰ معیار کی وجہ سے صارفین کے دلوں میں جگہ بنا چکی ہے۔ اس کا بیس ویرینٹ 33.5 لاکھ میں دستیاب ہے۔ گاڑی میں 1000 سی سی مینوئل انجن دیا گیا۔ گاڑی میں 2 ائیر بیگز، DRLs ، سٹیئرنگ سوئچز، ABS، پاور سٹیئرنگ اور پاور ونڈو جیسے فیچرز دئیے گئے ہیں۔
سوزوکی بولان
اگر آپ ایک کمرشل ڈیلر ہیں اور ایک بڑی گاڑی کی تلاش کر رہے ہیں جو مسافروں کے ساتھ ساتھ کارگو سے متعلقہ کو بھی ایڈجسٹ کر سکے، تو سوزوکی بولان ایک سستی آپشن ہے جس کی ابتدائی قیمت 19.4 لاکھ روپے ہے۔
سوزوکی ایوری
کاروباری شعبے سے تعلق رکھنے والوں کیلئے ایک اور آپشن سوزوکی ایوری بھی ہے۔ اس کا بیس ویرینٹ 658 سی سی انجن کے ساتھ آتا ہے جبکہ مائلیج 17 کلومیٹر فی لیٹر ہے۔ اس کی قیمت 24 لاکھ کے قریب ہونے کی امید ہے۔
ہم امید کرتے ہیں کہ اس بلاگ کو پڑھنے کے بعد آپ کیلئے 35 لاکھ روپے سے کم کے بجٹ میں کار خریدنا آسان ہو جائے گا۔
