چین-پاکستان اقتصادی راہداری (سی پیک) بس سروس نے اپنے آپریشنز کا آغاز کردیا، مقامی میڈیا ادارے نے بتایا۔
تفصیلات کے مطابق بس نے اپنے 15 مسافروں کے ساتھ گلبرگ لاہور سے سفر کا آغاز کیا اور تاشقورغان، چین تک جائے گی۔ بس راستے سے بھی مسافر اٹھائے گی کہ جس سے مسافروں کی کل تعداد 36 تک پہنچے گی۔ میڈیا سے بات کرتے ہوئے مسافروں نے بس سروس کے آغاز کے لیے حکومت کی کوششوں کو سراہا۔ یہ بس کل 36 گھنٹوں میں منزل تک پہنچے گی۔
مزید یہ کہ نارتھ-ساؤتھ ٹرانسپورٹ نیٹ ورک پرائیوٹ لمیٹڈ کمپنی کے ڈائریکٹر قمر اعجاز نے کہا کہ بس جدید ترین ٹیکنالوجی اور سکیورٹی آلات سے لیس ہے۔ کمپنی تمام آپریشنز کو سنبھالے گی اور پاکستان میں ایک مجاز آپریٹر ہے۔ فی مسافر یکطرفہ سفر 13,000 روپے کا ہے جبکہ آپ کے لیے ریٹرن ٹکٹ 23,000 روپے کا ہوگا۔
بس سروس کے ذریعے سفر کرنے کے لیے درکار دستاویزات یہ ہیں:
پاسپورٹ
ویزا
قومی شناختی کارڈ
چین سے اصل دعوت نامہ
ٹکٹ
ابتدائی طور پر یہ ہفتے میں دو مرتبہ سفر کے لیے روانہ ہوگی۔ ہماری طرف سے اتنا ہی اپنے خیالات نیچے تبصروں میں پیش کیجیے۔
