حکومتِ پاکستان نے پیٹرولیم مصنوعات کی قیمتوں میں 0.73 روپے تک کی کمی کردی ہے۔
31 جنوری 2019ء کو وزارت خزانہ نے اس ضمن میں ایک نوٹیفکیشن بھی جاری کیا۔ قیمتیں یکم فروری 2019ء سے نافذ العمل ہوں گی۔ واضح رہے کہ پیٹرول کی قیمت میں 0.59 روپے فی لیٹر کمی کی گئی ہے جبکہ مٹی کے تیل میں 0.73 روپے اور لائٹ-اسپیڈ ڈیزل کی قیمت میں 0.25 روپے کی کمی گئی ہے۔ اس کے مقابلے میں ہائی-اسپیڈ ڈیزل کی قیمت حکومت کی جانب سے برقرار رکھی گئی ہے، اس میں کوئی تبدیلی نہیں کی گئی۔
نئی قیمتیں کچھ یوں ہیں:
پیٹرول: 90.38 روپے فی لیٹر
ہائی-اسپیڈ ڈیزل: 106.68 روپے فی لیٹر
مٹی کا تیل:82.25 روپے فی لیٹر
لائٹ-اسپیڈ ڈیزل: 75.03 روپے فی لیٹر
گزشتہ قیمتیں کچھ یوں تھیں:
پیٹرول: 90.97 روپے فی لیٹر
ہائی-اسپیڈ ڈیزل: 106.68 روپے فی لیٹر
مٹی کا تیل:82.98 روپے فی لیٹر
لائٹ-اسپیڈ ڈیزل: 75.28 روپے فی لیٹر
میڈیا سے بات کرتے ہوئے چند افراد کا کہنا تھا کہ تیل کی مصنوعات میں یہ کمی مذاق کے مترادف ہے جبکہ کچھ نے اس کمی کی حمایت کی۔ واضح رہے کہ آئل اینڈ گیس ریگولیٹری اتھارٹی (OGRA) نے وزارت خزانہ کو تجویز کیا تھا کہ پیٹرولیم مصنوعات کی قیمتوں میں 4 روپے فی لیٹر تک کی کمی کی جائے۔
ہماری طرف سے اتنا ہی، اپنے تبصرے ذیل میں پیش کیجیے۔
