پنجاب میں سڑکوں پر حادثات میں اضافہ

پنجاب میں سڑکوں پر حادثات میں اضافہ ہو رہا ہے۔ اندازہ لگائیں کہ صرف پچھلے 24 گھنٹوں میں پنجاب بھر میں چھ افراد جاں بحق جبکہ 923 زخمی ہوئے ہیں۔

تفصیلات کے مطابق لاہور 223 حادثوں کے ساتھ ٹریفک حادثات میں سب سے نمایاں ہے، جبکہ فیصل آباد اور ملتان بالترتیب 81 اور 57 کے ساتھ صوبائی دارالحکومت سے پیچھے ہیں۔ بیشتر ٹریفک حادثات میں موٹر سائیکل سوار شامل ہیں۔ واضح رہے کہ سٹی ٹریفک پولیس ہیلمٹ نہ پہننے پر 4,92,745 موٹر سائیکل سواروں کے چالان کر چکی ہے۔

یہ بھی پتہ چلا کہ 923 افراد زخمی بھی ہوئے ہیں کہ جن میں سے 729 مرد اور 194 خواتین ہیں۔ مزید برآں، بیشتر ٹریفک حادثات میں 18 سے 40 سال کی عمر کے افراد شامل ہیں۔

اس کی روشنی میں پنجاب بھر میں پولیس کم عمر ڈرائیوروں اور موٹر سائیکل سواروں کے خلاف کارروائی کر رہی ہے جو ہیلمٹ نہیں پہن رہے اور ان افراد کے خلاف بھی کہ جو فینسی نمبر پلیٹیں استعمال کر رہے ہیں۔

متعلقہ خبروں میں یہ کہ پاکستان انفارمیشن ٹیکنالوجی (PITB) نے بھی پنجاب پولیس اور ٹریفک پولیس پنجاب کے تعاون سے ٹریفک ایکسیڈنٹ مینجمنٹ انفارمیشن سسٹم (TAMIS) متعارف کروایا دیا ہے۔ یہ ایک الیکٹرانک پلیٹ فارم ہے جو  حادثات کی اطلاع پنجاب کے ٹریفک پولیس ہیڈکوارٹر کو دے گا، تاکہ اتھارٹی اعداد و شمار کا جائزہ لے کر زندگیاں بچانے کے لیے ٹریفک پالیسیوں کوجامع اور بہتر بنا سکے۔

ایسی ہی دیگر آٹوموٹو خبروں کے لیے پاک ویلز پر آتے رہیے۔