پہلا PakWheels.com سرٹیفائیڈ کار میل صبح9 سے شام 7 بجے تک ایکسپو سینٹر، کراچی کے ہال نمبر 6 میں منعقد ہوا۔
گاڑیوں کی خرید اور فروخت کرنے والوں کے درمیان طے پانے والے درجنوں سودوں کے ساتھ پاک ویلز روشنیوں کے شہر میں گاڑیوں کی چہل پہل اس طرح لایا جیسے پہلے کبھی نہیں لائی گئی تھی۔ ہزاروں مرد، خواتین اور بچوں کو میلے میں دیکھا گیا، جو اپنی پسندیدہ گاڑیوں کو دیکھتے، ان کے ساتھ تصویریں اور سیلفی لیتے اور ایک محفوظ و دوستانہ ماحول میں وقت کا بہترین لطف اٹھاتے دیکھے گئے۔
یاد رہے کہ PakWheels.com سرٹیفائیڈ یوزڈ کار میلے مختلف شہروں میں ہوتے ہیں، جن میں SUVs، سیڈانز، ہیچ بیکس اور کی کاروں جیسی سینکڑوں سرٹیفائیڈ گاڑیاں خرید و فروخت کے لیے پیش کی جاتی ہیں۔ مزید برآں، ان میلوں کی سب سے بڑی کشش پاک ویلز کی سرٹیفائیڈ کاروں کی موجودگی ہوتی ہیں – اچھی کنڈیشن کی وہ گاڑیاں جو پاک ویلز کے ماہر مکینکس کی ٹیم اپنے جدید ترین آلات کے ذریعے سند اور تصدیق دیتی اور انہیں ٹیسٹ ڈرائیو کرتی ہے۔ پاک ویلز ان گاڑیوں پر 30 دن یا 1000 کلومیٹر کی وارنٹی پیش کرتی ہے۔
کراچی میں PakWheels.com سرٹیفائید کار میلے کو دبئی اسلامک بینک نے اسپانسر کیا تھا۔ ایونٹ کے لیے پاک ویلز کے میڈیا پارٹنرز GNN، پاکستان ٹوڈے اور سماء ایف ایم تھے، جبکہ ٹریول پارٹنر اوبر اور فوڈ پارٹنر او مائی گرِل تھے۔
اگر اس میلے کے بعد بھی آپ کو مزید کی طلب ہے تو PakWheels.com کراچی میں کار میلوں کے سلسلے کی اگلی قسط تک انتظار کریں۔
