پچھلی حکومت نے دنیا بھر کے مزید آٹومیکرز کی پاکستان کی طرف توجہ مبذول کروانے اور یہاں اپنے آپریشنز کا آغازکرنے کے لیے آٹو پالیسی 2016-21ء متعارف کروائی۔ اب تک دس غیر ملکی اٹومیکرز ملک میں داخل ہو چکے ہیں اور چند دیگر بھی اپنی مصنوعات فروخت کرنا شروع کر چکے جیسا کہ ہیونڈائی ، کِیا اور چنگن۔ چنگن آٹوموبائلز اپنی گاڑیاں مقامی طور پر تیار کرنا شروع کر چکا ہے، جو بلاشبہ ایک بہت زبردست خبر ہے۔
بلاشبہ نئے آٹومیکرز مقامی آٹو انڈسٹری کو نئی صورت دیں گے اور مقامی صارفین کو انتخاب کے لیے نئی مصنوعات پیش کریں گے۔ مزید یہ کہ گاڑیوں کی طلب و رسد میں موجود خلاء بھی پُر ہو جائے گا۔ PakWheels.com نے مختلف برانڈز اور مصنوعات کے بارے میں عوام کی سوچ کے بارے میں جاننے کے لیے 2018ء میں ایک آٹوموبائل انڈسٹری سروے کروایا۔ کئی دیگر سوالات کے علاوہ PakWheels.com نے جواب دینے والوں سے اپنے ایسے پسندیدہ نئے کار برانڈ کے بارے میں بھی پوچھا کہ جو پاکستان میں آ چکا ہے یا آ رہا ہے۔
عوام نے ہیونڈائی کو اپنا پسندیدہ نیا کار برانڈ قرار دیا، مکمل فہرست نیچے دیکھیں:
ہیونڈائی
کِیا
فوکس ویگن
نسان
رینو (رینالٹ)
ڈاٹسن
یونائیٹڈ
پروٹون
واضح رہے کہ کوریائی آٹومیکرز، ہیونڈائی اور کِیا، مارکیٹ میں اپنی گاڑیاں پہلے ہی متعارف کروا چکے ہیں۔ ہیونڈآئی نے سانتا فی اور گرینڈ اسٹاریکس جبکہ کِیا نے اپنی جدید کارنیوَل متعارف کروائی۔ مزید برآں، یونائیٹڈ موٹرز ایک 800cc ہیچ بیک کار، براوو، پیش کر چکا ہے کہ جسے صارفین کی جانب سے بہت سراہا گیا ہے۔
کوریائی آٹومیکرز سے ہٹ کر دیکھیں تو فرانسیسی کمپنی رینو مبینہ طور پر پاکستان میں اپنی گاڑیاں پیش کرنے کے فیصلے سے پیچھے ہٹ چکا ہے۔
آپ کا پسندیدہ کار برانڈ کون سا ہے، ہمیں تبصروں میں ضرور بتائیں۔
