پاک ویلز اپنے قارئین کے لیے ایک خصوصی ریویو لایا ہے، جو GMC لیموزین کا ہے۔ اِس وقت اس گاڑی کی مالک رائل لیموزین ہے۔ اس گاڑی کا مختصر تعارف دیتے ہوئے کمپنی کے مینیجر نے ہمیں بتایا کہ یہ 2016ء ماڈل کی امریکی کار ہے۔
کمپنی کے پاس دوسری لیموزیں کارز بھی ہیں جن میں ہمر اور کیڈیلیک بھی شامل ہیں، اور یہ گاڑیاں شادی کی تقریبات، کارپوریٹ میٹنگز اور سالگرہ کی پارٹیوں کے لیے کرائے پر دی جاتی ہیں۔
GMC لیموزین کی خاص بات:
اس کار کی سب سے منفرد چیز یہ ہے کہ یہ پاکستان میں موجود واحد GMC لیمو ہے۔ اس کے علاوہ 40 فٹ لمبائی اسے ملک کی سب سے لمبی گاڑی بناتی ہے۔
کیا اسے چلانا آسان ہے؟
مینیجر نے ہمیں بتایا کہ کمپنی اس کار کے لیے بہت تجربہ کار ڈرائیور ہائیر کرتی ہے، اور ایک وقت میں گاڑی میں دو ڈرائیور موجود ہوتے ہیں۔ انہوں نے کہا کہ “ایک گاڑی چلاتا ہے، دوسرا اسے لوکل سڑکوں پر خاص طور پر موڑ وغیرہ کاٹنے میں مدد دیتا ہے۔”
انہوں نے کہا کہ “ہمارے ڈرائیور ان گاڑیوں کو دیہی علاقوں تک میں لے جاتے ہیں۔” ساتھ ساتھ اس کو بہترین رفتار کے ساتھ چلانے میں بھی کوئی مسئلہ نہیں اور وہ ان گاڑیوں کو ملک میں حدِ رفتار کے مطابق چلاتے ہیں۔
GMC لیموزین کا انجن:
یہ کار 6.2L V8 انجن کے ساتھ آتی ہے۔ حالانکہ یہ گاڑی بہت لمبی ہے، لیکن انجن اس گاڑی کی بڑی باڈی کو باآسانی چلاتا ہے۔
GMC لیموزین کا ایکسٹیریئر:
فرنٹ پر اس کار میں DRLs اور فوگ لائٹس کے ساتھ پروجیکشن ہیڈلائٹس ہیں۔ یہ کروم فرنٹ گرِل رکھتی ہے، جس پر کمپنی کا مونوگرام ہے۔ اس کے علاوہ کمپنی نے اس میں اسپیشل فوٹ اسٹیپ بھی لگا رکھا ہے تاکہ مسافر آسانی سے گاڑی میں داخل ہو سکیں یا نکل سکیں۔
یہ لیمو 20 انچ کے الائے رِمز کے ساتھ آتی ہے۔
کار کے پچھلے حصے میں کمپنی کا لوگو، ٹو کرنے کے لیے ہُک اور ایک بیڈ رکھتی ہے، جو گاڑی کے اندر ٹھنڈ برقرار رکھنے کے لیے AC کنڈینسرز رکھتا ہے۔
کیا لمبائی مسئلہ ہے؟
مینیجر کے مطابق اضافی لمبائی کی وجہ سے گاڑی کے ٹائر اور بریک پیڈ سب سے زیادہ متاثر ہوتے ہیں۔ مینیجر نے کہا کہ “تاہم ، اس کے سسپنشن میں کوئی مسئلہ نہیں ہے کیونکہ GMC نے خود کمپنی نے اس کی لمبائی کو مدنظر رکھتے ہوئے اسے گاڑی میں لگایا ہے۔”
انہوں نے مزید کہا کہ انہیں ہر 40,000 کلومیٹرز کے بعد ٹائر تبدیل کرنا پڑتے ہیں جبکہ 15 سے 20 ہزار کلومیٹرز کے بعد نئے بریک پیڈز لگانے پڑتے ہیں۔
اس کے علاوہ ، کمپنی نے کار کی باڈی کے نیچے خاص سپورٹ دی ہے تاکہ اس کی مجموعی شکل و صورت متاثر نہ ہو۔
GMC لیموزین کا انٹیریئر:
یہ لیفٹ-ہینڈ ڈرائیو گاڑی ہے کیونکہ یہ ایک امریکن ٹرک ہے۔ اسٹیئرنگ مختلف کنٹرولز رکھتا ہے اور گیئر ٹرانسمیشن دائیں جانب ہے۔ بائیں جانب ہیڈلائٹ کنٹرولز ہیں، ساتھ ہی پاور ونڈوز اور لاک /ان لاک کنٹرولز بھی۔
ڈیش بورڈ سینٹر میں گاڑی ایک نمایاں انفوٹینمنٹ سسٹم رکھتی ہے، ساتھ ہی ڈوئل کلائمٹ کنٹرول بھی۔ اس کے نیچے مختلف بٹنز ہیں جن میں پیڈل پوزیشن کنٹرول، ٹریکشن کنٹرول اور پارکنگ سینسرز شامل ہیں۔ اس کے علاوہ نیچے اس میں بیک کیبن کی AC کولنگ کو کنٹرول کرنے کے لیے بٹنز ہیں۔
بیک کیبن:
بیک کیبن میں روشنیاں شاندار ہیں، جہاں آپ ایک یا مختلف لائٹس سیٹ کر سکتے ہیں۔ کار میں ایک قطار میں LCDs، ایک بار اورسیٹس کے سامنے مشروبات کے لیے ایک آئس باکس بھی ہے۔ آپ فرنٹ اور بیک کیبن دونوں سے ملٹی میڈیا فنکشنز کنٹرول کر سکتے ہیں۔
کیبن میں کئی AC وینٹس موجود ہیں تاکہ گاڑی کے اندر کولنگ کو برقرار رکھا جا سکے۔ اس کے علاوہ اس میں مسافروں کی سہولت کے لیے کونے پر ایک منی بار بھی موجود ہے۔
مینیجر نے کہا کہ اس گاڑی میں دس افراد آسانی سے بیٹھ کر سفر کر سکتے ہیں۔ کمپنی نے کسٹمرز کی پرائیویسی کے لیے اگلے اور پچھلے کیبن میں ایک پارٹیشن بھی لگا رکھا ہے۔
مینٹی نینس کے مسائل:
مینیجر نے ہمیں بتایا کہ انہیں مینٹی نینس کے حوالے سے کوئی بھی بڑا مسئلہ درپیش نہیں کیونکہ ان کے پاس مکینکس کی اپنی ٹیم ہے۔ انہوں نے کہا کہ “البتہ انہیں اسپیئر پارٹس کے حوالے سے مسائل کا سامنا رہتا ہے کیونکہ ہمیں یہ دبئی یا امریکا سے امپورٹ کرنا پڑتے ہیں۔”
GMC لیموزین کی کرائے پر لاگت:
مینیجر کے مطابق اس گاڑی کا لاہور یا قریبی شہروں میں ایک دن کا کرایہ 1,75,000 روپے ہے۔ انہوں نے کہا کہ “یہ ہماری چار بہترین گاڑیوں میں سے ایک ہے؛ اس لیے اس کا کرایہ سب سے زیادہ ہے، جبکہ ہماری دوسری لیموزین گاڑیوں کے کرائے 70,000 روپے سے شروع ہوتے ہیں۔”
قیمت:
اس گاڑی کی قیمت 5 کروڑ روپے ہے۔
