اس آرٹیکل میں ہم ایک ہنڈا HR-V کا موازنہ ہیونڈائی ٹوسان GLS سپورٹ کے ساتھ کریں گے۔ اگرچہ یہ دونوں گاڑیاں مختلف سیگمنٹس بی اور سی سے تعلق رکھتی ہیں لیکن ہم یہ موازنہ ان کی قیمت کی بنا پر کر رہے ہیں۔ ہیونڈائی ٹوسان ایک پرانی گاڑی ہے جبکہ HR-V ہنڈا کی جانب سے چند روز قبل لانچ کی گئی ہے۔
سائز
ہںڈا HR-V 171 انچ لمبی، 71 انچ چوڑی اور 63 انچ اونچی ہے جبکہ ٹوسان 176 انچ لمبی، 73 انچ چوڑی اور 65 انچ اونچی ہے۔
انجن اور ٹرانسمشن
ہنڈا نے اپنی کراس اوور میں 1500 سی سی نیچرلی ٹرانسمشن ایسپائریٹڈ انجن دیا ہے جو 119 ہارس پاور اور 145Nm ٹارک پیدا کرتا ہے۔ گاڑی میں سی وی ٹی ٹرانسمشن دی گئی ہے۔
دوسری جانب ٹوسان میں 2000 سی سی نیچرلی ایسپائریٹڈ انجن دیا گیا ہے جو 155 ہارس پاور اور 196Nm ٹارک پیدا کرتا ہے۔ گاڑی میں 6 سپیڈ آٹومیٹک ٹرانسمشن دی گئی ہے۔ ٹرانسمشن کی بات کریں تو VTi-S میں CVT ٹرانسمشن جبکہ ٹوسان میں 6 سپیڈ آٹومیٹک ہے۔
ایکسٹیرئیر
دونوں کاروں میں سمارٹ کی لیس انٹری اور پُش سٹارٹ جیسے فیچرز موجود ہیں۔ دریں اثنا، ہنڈا HR-Vمیں ڈے ٹائم رننگ لائٹس (DRLs) اور فوگ لیمپ کے ساتھ فرنٹ اور رئیر LEDلیمپس ہیں۔ ہنڈائی اپنے کراس اوور میں آٹو لیولنگ ڈیوائس اور ایل ای ڈی ڈی آر ایلز کے ساتھ ایل ای ڈی ہیڈ لیمپس پیش کرتا ہے۔ دونوں میں ایل ای ڈی انڈیکیٹرز کے ساتھ ریٹریکٹیبل سائیڈ ویو مررز، سائیڈ پر باڈی کلر ڈور ہینڈلز اور عقب میں ہائی ماونٹڈ سٹاپ ایل ای ڈی بریک لائٹس دی گئی ہیں۔ ہنڈا کراس اوور میں الائے رمز 17 انچ جبکہ ٹوسان میں 18 انچ کے ہیں۔
انٹیرئیر
ہنڈا نے VTi-S میں اعلیٰ درجے کی لیدر سیٹس لگائی ہیں، جبکہ ٹوسان میں فیبرک سیٹس ہیں۔ دونوں گاڑیوں میں ڈوئل زون کلائمیٹ کنٹرول اور 4.2 انچ اینالاگ TFT ڈسپلے ہے۔ HR-V ویرینٹ میں انفوٹینمنٹ ٹچ اسکرین کا سائز اینڈرائیڈ پر مبنی نیویگیشن کے ساتھ 9 انچ ہے، جب کہ GLS سپورٹ میں اینڈرائیڈ آٹو سسٹم کے میں 10.1 انچ سکرین دی گئی ہے۔
VTi-Sمیں سپیکرز کی تعداد 4 ہے جبکہ ٹوسان میں 6 ہے۔ دونوں کاروں میں وائرلیس چارجر ہے۔ تاہم، VTi-Sمیں سن روف ہے۔
سیفٹی فیچرز
دونوں کراس اوور میں وہیکل سٹیبلٹی اسسٹ (VSA/VSM)، اینٹی لاک بریکنگ سسٹم (ABS)، الیکٹرانک پارکنگ بریک (EPB)، اور ہل اسسٹ کنٹرول (HAC) مشترکہ حفاظتی خصوصیات کے طور پر ہیں۔ VTi S میں اضافی خصوصیات ہل ڈیسنٹ کنٹرول (HDC) اور ایمرجنسی اسٹاپ سگنل (ESS) ہیں۔ اور ٹکسن میں اضافی اختیارات الیکٹرانک اسٹیبلٹی کنٹرول (ESC) اور ڈاؤنہل بریک کنٹرول (DBC) ہیں۔
VTi-S میں 4 جبکہ ٹوسان میں صرف 2 ایئر بیگز ہیں، جو اسے GLS سپورٹ سے زیادہ محفوظ بناتے ہیں۔
قیمت
ہنڈا HR-V VTi S کی لانچ کی قیمت 6199000 روپے ہے جبکہ ٹوسان کی موجودہ قیمت 6899000 روپے ہے۔ اس کا مطلب ہے کہ VTi S اپنے مدمقابل سے 7 لاکھ سستی ہے۔
