گزشتہ چند سالوں میں پاکستانی آٹوموٹو مارکیٹ میں بہت سی ہائبرڈز اور ایس یو ویزلانچ کی گئی ہیں۔ حال ہی میں، ٹویوٹا نے مقامی سطح پر تیار کی گئی کرولا کراس لانچ کر کے ملک میں اپنا پہلی ہائبرڈ گاڑی لانچ کی لیکن کیا یہ ہیوال H6کا مقابلہ کرتی ہے؟ اس کی فیول ایوریج کیا ہے جیسے اور بھی بہت سے سوالات ہیں جن کے جواب ہم اس بلاگ میں دیں گے۔
ہیوال H6بمقابلہ ٹویوٹا کرولا کراس
ہیوال ایک چینی کار ساز کمپنی ہے اور پاکستان میں پہلی ہائبرڈ SUV لانے کا اعزاز رکھتی ہے جبکہ ٹویوٹا ایک جاپانی کمپنی ہے جو کسی تعارف کی محتاج نہیں۔ کرولا کراس اور H6 دونوں سی کیٹیگری کی گاڑیاں ہیں۔ تاہم کرولا کراس ایک کمپیکٹ SUV ہے جبکہ H6 ایک پلس سائز کراس اوور ہے۔ دونوں گاڑیوں کی گراؤنڈ کلیئرنس ایک جیسی ہے۔
انجن اور فیول ایوریج
کرولا کراس میں 1800 سی سی نیچرلی ایسپائریٹڈ انجن دیا گیا ہے جو ہائبرڈ ٹیکنالوجی کے ساتھ کام کرتا ہے۔ اس کے برعکس ہیوال H6میں 1500 لیٹر ٹربو چارج انجن کے ساتھ آتی ہے۔ دونوں کاریں موثر ہائبرڈ ٹیکنالوجی کی رکھتی ہیں جو شہر میں 18 سے 19 کلومیٹر فی لیٹر جبکہ فیول لمبے سفر پر 14 کلومیٹر فی لیٹر فیول ایوریج فراہم کرتی ہیں۔
انٹیرئیر
H6 اور کراس، دونوں کا انٹیرئیر کافی پریمیم ہے لیکن آپشنز کی بات کی جائے تو دونوں قدرے مختلف ہیں۔ ایک طرف H6 میں آپ کو 8 وے سیٹ ایڈجسٹ ایبلٹی کے ساتھ ڈوئل ٹون انٹیرئیر ملتا ہے جس میں مسافر اور ڈرائیور دونوں سیٹوں میں ہیٹنگ، وینٹیلیشن اور لمبر سپورٹ شامل ہے جبکہ دوسری طرف کراس میں ٹیرا روسا سیٹس صرف 6 وے ایڈجسٹ ایبلٹی کے ساتھ آتی ہے۔
انفوٹینمنٹ سسٹم کی بات کریں تو کرولا کراس میں ایپل کارپلے اور وائرلیس کنیکٹیویٹی کیساتھ اینڈرائیڈ آٹو اور 360 سونرز جیسے فیچرز نظر آتے ہیں جبکہ H6 اینڈرائیڈ آٹو اور کارپلے کو بلوٹوتھ کنیکٹیویٹی، وائرلیس چارجنگ اور 360 ڈگری کیمرہ کے ساتھ آتی ہے۔ اس کے علاوہ ہیوال H6ایک الیکٹرانک ہینڈ بریک اور آٹو ہولڈ بٹن کے ساتھ آتی ہے جبکہ ٹویوٹا کراس میں دونوں آپشنز غائب ہیں۔
ایکسٹیرئیر
دونوں کراس اوورز کا ایکسٹیرئیر کافی خوبصورت ہے۔ تاہم ہیوال H6 کی فرنٹ گاڑی کی خوبصورتی میں اضافہ کرتی ہے۔ اس کے علاوہ گاڑی میں میں ہین کُک کے ٹائر اور پیانو بلیک رنگ میں 19 انچ ملٹی سپوک رمز آتے ہیں جبکہ کرولا کراس میں دئیے گئے جنرل کے پرانے 17 انچ ٹائر کافی مایوس کن فیچر ہے۔ دونوں SUVs میں شارک اینٹینا اور پیچھے ڈفیوزر ہیں۔ اس کے علاوہ H6 ہائی ماونٹڈ راکٹ لیمپ کے ساتھ آتی ہے جبکہ کرولا کراس ہائی ماونٹڈ بریک لائٹ کے ساتھ آتی ہے۔
سیفٹی فیچرز
ٹویوٹا کراس یہاں گیم ہار جاتی ہے جس میں صرف بنیادی کروز کنٹرول شامل ہے۔ اس کے برعکس ہیوال H6میں اڈاپٹیو کروز کنٹرول، لین اسسٹ، لین ڈیپارچر وارننگ، لین کیپ اسسٹ، فرنٹ کولیشن اسسٹ، ایمرجنسی بریکنگ، ریئر کولیشن، اور آٹو پارک اسسٹ کی ADAS خصوصیات سے بھری ہوئی ہے۔
قیمت کا موازنہ
کرولا کراس اور H6 کی قیمتوں میں 20 فیصد کا فرق نظڑ آتا ہے۔ H6 کی قیمت تقریباً 11800000 لاکھ روپے ہے جبکہ کراس کی قیمت تقریباً 9900000 روپے ہے۔
ہم امید کرتے ہیں کہ اس موازنے میں آپ کو آپ کے تمام سوالات کے جوابات مل چکے ہوںگے۔ مزید دلچسپ تجزیے پڑھنے کے لیے پاک ویلز کی آفیشل ویب سائٹ وزٹ کریں۔
