جیسا کہ آپ سب جانتے ہیں کہ ہنڈا سوِک 202211 جنریشن کو کچھ دن پہلے پاکستان میں دیکھا گیا تھا۔ اب ہم گاڑی کے بارے میں اضافی معلومات لے کر آئے ہیں۔ اس آرٹیکل میں پاکستان میں دیکھے گئے اس CBU یونٹ کی قیمت اور اس میں انجن کے ممکنہ آپشنز کے بارے میں بتائیں گے۔
Picture Credits: Zohair Ali khan
پاکستان میں دیکھی جانیوالی سوِک 2022 کی قیمت
اعداد و شمار کے مطابق اس سی بی یو یونٹ کی قیمت 6049000 روپے ہے یعنی تقریباً 7 ملین روپے، جو کہ بہت زیادہ ہے لیکن واضح رہے کہ یہ ایک CBU یونٹ ہے اور مقامی سڑکوں پر ٹیسٹنگ کے لیے درآمد کیا گیا ہے۔ اس کے علاوہ یہ ایک ٹاپ ویرینٹ بھی ہو سکتا ہے۔ لہذا، ہمارے خیال میں مقامی طور پر تیار شدہ سوِک کی قیمت بہت کم ہوگی اور یہ 5 ملین روپے سے شروع ہو سکتی ہے۔
گاڑی کے بارے میں دیگر معلومات
یہ گاڑی ہنڈا اٹلس کارز پاکستان لمیٹڈ کے نام پر رجسٹرڈ ہے۔ اگرچہ پاکستان میں نظر آنے والی اس سوِک پر سٹیکرز کا لگائے گئے تھے لیکن پھر بھی ہم اس کے رنگ کے بارے میں جان چکے ہیں وہ ایم بلیو ہے۔
گاڑی کا انجن نمبر L15BG9999902 ہے، یعنی یہ ہنڈا کی L15GB سیریز سے ہے۔ ہماری معلومات کے مطابق یہ ایک 1.5 ٹربو چارجڈ انجن والا ویریںٹ ہے جس کا انجن 180 ہارس پاور اور 240Nm ٹارک پیدا کرنے کی صلاحیت رکھتا ہے۔
اس سے قبل سوِک 2022 کو اس سال اپریل میں بین الاقوامی مارکیٹ میں لانچ کیا گیا تھا۔ ہم امید کر رہے ہیں کہ پاکستان میں آئندہ سال یہ گاڑی لانچ کر دی جائے گئی۔
ہنڈا سوِک پاکستان میں لوگوں کی سب سے پسندیدہ گاڑیوں میں سے ایک رہی ہے جس کی بنیادی وجہ اس کی آرام دہ ڈرائیو اور سڑک پر گرفت ہے۔ ہمیں امید ہے کہ یہ نئی سوِک بھی عوام میں مقبول ہوگی۔
نئی ہونڈا سِوک کے بارے میں آپ کا کیا خیال ہے؟ نیچے دئیے گئے کمنٹ سیکشن میں اپنے خیالات کا اظہار کریں۔
