حکومت نے 16 اکتوبر کو پیٹرولیم مصنوعات کی قیمتیں بڑھائیں جس کے بعد پیٹرول قیمتیں پاکستانی تاریخ کی بلند ترین سطح پر پہنچ گئیں۔ ایندھن کی قیمتیں مسلسل بڑھ رہی ہیں جس کے باعث عوام کا صبر ختم ہو رہا ہے لیکن۔ حالیہ میڈیا رپورٹ کے مطابق پیٹرول کی قیمت میں 7 سے 10 روپے فی لیٹر مزید اضافے کا امکان ہے۔
حکومت پاکستان آئل اینڈ گیس ریگولیٹری اتھارٹی (اوگرا) کی سفارش پر پیٹرول کی قیمتوں میں پندرہ ہفتہ کی بنیاد پر نظر ثانی کرتی ہے۔ گزشتہ چند ماہ سے پیٹرول کی قیمتیں مسلسل بڑھ رہی ہیں۔ پیٹرولیم مصنوعات کی قیمتوں میں حالیہ اضافے کے بعد پیٹرولیم کے نرخ بلند ترین سطح کو چھونے لگے ہیں۔
پیٹرل کی موجودہ قیمتیں
حکومت کی جانب سے 16 اکتوبر کو پیٹرولیم مصنوعات کی قیمتوں میں اضافے کے بعد پیٹرول کی قیمت میں 10.49 روپے فی لیٹر کا اضافہ دیکھا گیا جس کے بعد پیٹرول کی قیمت 137.79 روپے فی لیٹر ہو گئی۔
ہائی اسپیڈ ڈیزل (ایچ ایس ڈی) کی قیمت میں 12.44 روپے کا اضافہ جس کے بعد ہائی اسپیڈ ڈیزل کی قیمت 122.04 روپے فی لیٹر سے بڑھ کر 134.48 روپے فی لیٹر ہو گیا ہے۔
کیروسین آئل کی قیمت میں 10.95 ایک روپے اضافہ دیکھا گیا جس کے بعد کیروسین آئل کی قیمت 99.31 روپے فی لیٹر سے بڑھ کر 110.26 روپے فی لیٹر ہو گئی ہے۔
اسی طرح لائٹ ڈیزل آئل کی قیمت میں 8.84 روپے فی لیٹر اضافے کے بعد لائڑ ڈیزل آئل کی قیمت بڑھ کر 108.35 روپے ہو گئی جبکہ پرانی قیمت 99.51 روپے فی لیٹر تھی۔
ایک طرف پاکستانی روپے کی قدر میں کمی اور دوسری جانب تیل کی قیمتوں میں اضافے کے باعث پیٹرولیم مصنوعات کی قیمتوں میں اضافہ ہورہا ہے۔ ہمارے ذرائع کے مطابق اوگرا نے پیٹرول کی قیمت میں 10.5 روپے اضافے کی تجویز دی ہے۔ پیٹرول کی قیمتوں میں ردوبدل کی حتمی سمری کل پیٹرولیم ڈویژن کو بھجوائی جائے گی۔ حکومت اس تجویز پر غور کرے گی اور نئی قیمتوں کا اعلان اتوار 31 اکتوبر کو کیا جائے گا جبکہ نئی قیمتوں کا اطلاق یکم نومبر 2021 سے ہو گا۔
خبر ملتے ہی ہم آپ کو پیٹرول کی نئی قیمتوں سے آگاہ کریں گے۔ دیکھتے رہنا!
