بریکنگ – پاکستان میں مزید چاينیز ایس یو ویز آ رہی ہیں!

ایک ایسے وقت میں جب پاکستانی مارکیٹ چینی، کورین اور برٹش کار برانڈز کی بہترین SUVs کا لطف اٹھا رہی ہے، ہمیں اس سیگمنٹ میں ایک اور SUV برانڈ قدم رکھتا ہوا نظر آ رہا ہے۔ سازگار انجینیئرنگ ورکس لمیٹڈ (SEWL) پاکستان نے ایک اور چینی آٹو میکر گریٹ وال موٹرز (GWM) کے ساتھ پارٹنرشپ کی ہے۔ GWM ایک SUV برانڈ رکھتا ہے جسے HAVAL کہا جاتا ہے، جو SEWL بہت جلد لوکل مارکیٹ میں متعارف کروائے گا! تفصیلات یہ ہیں۔

سازگار انجینیئرنگ ورکس لمیٹڈ (SEWL)

سازگار پاکستان میں آٹو رکشہ اور 3-ویلرز بنانے والے بہترین اداروں میں سے ایک ہے۔ کمپنی کی نظریں آٹو ڈیولپمنٹ پالیسی (ADP 2016-21) کے تحت گرین فیلڈ اسٹیٹس حاصل کرتے ہی کار مارکیٹ پر لگی ہوئی ہیں۔

پہلے SEWL نے چینی آٹومیکر BAIC کے ساتھ معاہدہ کیا تاکہ پاکستان میں تین گاڑیاں متعارف کروائے۔ BAIC X25، BAIC D20 اور BAIC BJ40 کووِڈ-19 کی وجہ سے بُرے وقت سے گزریں۔ البتہ پروڈکشن دوبارہ شروع ہو چکی ہے۔ امید ہے کہ BAIC گاڑیاں جلد ہی پاکستان میں سڑکوں پر ہوں گی۔

اب SEWL نے ایک اور چینی آٹو مینوفیکچرر GWM کے ساتھ پارٹنرشپ کی ہے۔ ادارہ GWM “HAVAL” کے برانڈ نام کے تحت مسافر اور کمرشل گاڑیاں مینوفیکچر/اسمبلی، سیلز اور آفٹر-سیلز سروسز کے لیے سکیورٹیز اینڈ ایکسچینج کمیشن (SECP) کو خط بھیج چکا ہے۔

گریٹ وال موٹرز (GWM) اور HAVAL

‏HAVAL دراصل کراس اوورز اور SUVs کے لیے GWM کا مخصوص سب-برانڈ ہے۔ یہ برانڈ جیپ اور لینڈروور کے بعد پروفیشنل SUVs بنانے کے لیے معروف ہے۔ HAVAL SUVs 60 سے زیادہ ممالک میں برآمد کی جاتی ہیں۔ دنیا بھر میں HAVAL گاڑیاں رکھنے والے 50 لاکھ مالکان موجود ہیں۔

سازگار انجینیئرنگ میں موجود ہمارے ذرائع کے مطابق کمپنی دو HAVAL SUVs لانچ کرے گی۔ HAVAL H6 اور HAVAL جولیئن۔ کمپنی دعویٰ کرتی ہے کہ دوسری SUVs کے مقابلے میں پاکستان کو نئی جنریشن کی HAVAL SUVs ملیں گی۔

HAVAL H6

‏H6 نہ صرف اپنے ملک چین میں بہت مقبول ہے بلکہ دنیا میں سب سے زیادہ فروخت ہونے والی SUVs میں سے ایک ہے۔ یہ SUV اپنی شکل، صورت اور معیار کے لحاظ سے ایک زبردست تاثر قائم کرتی ہے۔ یہ طاقتور 7-اسپیڈ ڈوئل کلچ ٹرانسمیشن (DCT) کے ساتھ 2.0-لیٹر ٹربو آل-ویل-ڈرائیو (AWD) گاڑی ہے۔ اس کے دیگر فیچرز میں شامل ہیں:

• ‏0-لیٹر 4B15D ٹربو انجن
• زیادہ سے زیادہ پاور: 200hp
• زیادہ سے زیادہ ٹارک: 320Nm
• پینورامک سن رُوف
• ‏360 کیمرا ویو سسٹم
• کروز کنٹرول
• ایڈاپٹیشن LEDs
• ‏19-انچ الائے ویلز
• ‏6 ایئر بیگز
• ٹائر پریشر مانیٹرنگ سسٹم (TPMS)
• ڈوئل زون کلائمٹ کنٹرول سسٹم
• الیکٹرانک پارک بریک (EPB) + آٹو ہولڈ
• اسٹیئرنگ ویل آڈیو کنٹرول
• ‏3 انچ کلر LCD ٹچ ڈسپلے
• ہیڈ-اپ ڈسپلے (HuD)
• آٹومیٹک پارکنگ سسٹم

HAVAL جولیئن

جولیئن HAVAL کی انٹری-لیول کی چھوٹی SUV ہے جو 7-اسپیڈ ڈوئل-کلچ ٹرانسمیشن (DCT) کے ساتھ 1.5-لیٹر کا ٹربو چارجڈ فور-سلنڈر انجن انجن رکھتی ہے۔ اس کے چند نمایاں فیچرز یہ ہیں:

• ‏1.5-لیٹر ٹربو انجن
• زیادہ سے زیادہ پاور: 147hp
• زیادہ سے زیادہ ٹارک: 220Nm
• ‏17-انچ الائے ویلز
• ‏6 ایئر بیگز
• ‏LED ہیڈ لائٹس اور ٹیل لائٹس
• ڈے ٹائم رننگ لائٹس (DRLs)
• چار ڈرائیو موڈز (اسٹینڈرڈ، ایکو، اسپورٹ، سنو)
• ایڈاپٹِو کروز کنٹرول
• ٹریکشن کنٹرول سسٹم (TCS)
• ‏10.25 انچ ٹچ اسکرین
• اینٹی-لاک بریکنگ سسٹم (ABS)
• ریئر فوگ لائٹس
• ہیڈ-اپ ڈسپلے (HuD)

جولیئن کِیا اسپورٹیج کے سائز کی ہے جبکہ H6 اسپورٹیج سے 6 انچ لمبی ہے۔ جولیئن کے CBU یونٹس تجربات اور ٹیسٹنگ کے لیے مارچ کے آخر تک کراچی آ جائیں گے۔ H6 کے سیمپل یونٹس اپریل کے وسط تک آ جائیں گے۔ HAVAL H6 کا 1.5-لیٹر ہائبرڈ ویرینٹ بھی مئی 2021 میں لانچ ہو رہا ہے۔

یعنی سازگار انجینیئرنگ کی جانب سے بڑی بڑی خبریں ہیں۔ ہم پاکستان میں ان HAVAL SUVs کی لانچ پر نیک تمناؤں کا اظہار کرتے ہیں اور ان کی آمد پر نظریں لگائے بیٹھے ہیں۔