ڈی ایچ اے ہاؤسنگ سوسائٹی میں کار کے ٹائر چوری کے واقعات بڑھتے جا رہے ہیں کیونکہ ایسا لگتا ہے کہ پولیس اور سوسائٹی سیکیورٹی ٹائر چوروں کو پکڑنے میں ناکام ہیں۔ ایک تازہ واقعہ میں چور گھر کے بالکل باہر کھڑی ہنڈا سوک کے دو ٹائر اتار کر لے گئے۔ گاڑی کے مالک کے مطابق ہم نے گاڑی اپنے دوست کے گھر کے باہر کھڑی کی، اندر گئے اور کل رات ڈیڑھ بجے کے قریب واپس آئے تو بائیں جانب کے دو ٹائر چوری ہو چکے تھے۔
کار کے مالک نے پاک ویلز کو بتایا کہ “گیٹ کے اندر گارڈز موجود تھے، لیکن انہوں نے کچھ نہیں سنا۔” ان کا مزید کہنا تھا کہ سوسائٹی میں ایسے واقعات بڑھ رہے ہیں اور سیکیورٹی کچھ نہیں کر رہی۔ انھوں نے مزید کہا کہ اس حقیقت کے باوجود کہ سوسائٹی اس مقصد کے لیے چارجز لیتی ہے لیکن سکیورٹی کی طرف سے زیادہ گشت نہیں کیا جاتا۔ گاڑی کے مالک نے ہمیں یہ بھی بتایا کہ جب سوسائٹی کے گارڈز سے شکایت کی گئی تو انہوں نے ہمیں بتایا کہ ہمیں گاڑی گھر کے اندر کھڑی کرنی چاہیے تھی۔
گارڈز کے بارے میں بات کرتے ہوئے مالک نے بتایا کہ انہوں نے بتایا کہ اس قسم کا ایک واقعہ 10 دن پہلے بھی پیش آیا تھا۔ انہوں نے مزید بتایا کہ یہ گینگ ڈی ایچ اے کے اندر رہتا ہے اور وہ سفید رنگ کی سوزوکی ویگن آر میں آتے ہیں۔ مالک نے تفصیلات شیئر کرتے ہوئے سیکورٹی انتظامات پر مایوسی کا اظہار کیا۔
انہوں نے ہمیں یہ بھی بتایا کہ سوسائٹی میں اس طرح کے واقعات حالیہ دنوں میں اکثر ہوتے رہے ہیں۔ انھوں نے گزشتہ واقعات کی تصاویر بھی ہمارے ساتھ شئیر کیں۔
ایسا لگتا ہے کہ ان پوش سوسائٹیز میں گاڑیاں بالکل بھی محفوظ نہیں ہیں۔
