اس سے پہلے ہم نے آپ کو بتایا تھا کہ آج پاکستان میں چنگان ایلسوین بلیک ایڈیشن لانچ کی گئی ہے۔ کمپنی نے اپنے ٹاپ آف دی لائن ویرینٹ لومئیر میں نئے آپشنز پیش کیے ہیں۔ جن میں بلیک انٹیریئر، بلیک لیدر سیٹیں، بلیک الائے وہیلز، بلیک سائڈ ویو مررز اور بلیک روف شامل ہیں۔
نئے بلیک ایڈیشن کے لیے صارفین کو صرف 25000 روپے اضافی ادا کرنے ہوں گے۔ نئے بلیک ایڈیشن کی قیمت 4574000 روپے ہے جبکہ لومئیر ویرینٹ کی قیمت فی الحال 4549000 روپے ہے۔
چنگان ایلسوین بلیک ایڈیشن کی تصاویر
نئے چنگان ایلسوین بلیک ایڈیسشن کے انٹیرئیر اور ایکسٹیرئیر کی تصاویر یہ ہیں۔
ان مندرجہ بالا تصاویر سے یہ ظاہر ہوتا ہے کہ انٹیرئیر بالکل نیا احساس اور نئی شکل رکھتا ہے اور یہ صارفین خصوصاً نوجوانوں کو اپنی طرف متوجہ کرے گا۔ نئی سیڈان کی بکنگ کھلی ہے، لہذا اپنی قریبی چنگان ڈیلرشپ پر جا کر اسے بُک کر سکتے ہیں۔
بکنگ
نئے ویرینٹ کی بکنگ کیلئے کسی بھی صارف کو 1000000 روپے ادائیگی کرنا ہوگی۔ چنگان ایلسوین کے صارفین کے لیے یہ ایک اچھی خبر ہے کیونکہ نیا ویرینٹ بلیک انٹیرئیر کے ساتھ آتا ہے جو دیکھنے میں یقیناً اسٹائلش ہے۔
چنگان ایلسوین لومئیر میں دئیے گئے اضافی آپشنز میں اینٹی پِنچ، سٹارٹ سٹاپ ٹیکنالوجی، کروز کنٹرول، ہیٹیڈ سائیڈ مررز اور ٹائر پریشر مانیٹرنگ سسٹم کے ساتھ ساتھ ایک الیکٹرانک سن روف بھی دیا گیا ہے۔
چنگان ایلسوین کو پاکستان میں دسمبر 2020 میں ماسٹر موٹرز نے لانچ کیا تھا۔ اس بی سیگمنٹ سیڈان کے تین ویرینٹس متعارف کروائے گئے تھے یعنی مینوئل کمفرٹ DCT اور لومئیر۔ یہ گاڑی صارفین میں خاص طور پر اپنی خصوصیات اور ایکسٹیرئیر ڈیزائن کی وجہ سے کافی مقبول ہوئی۔
گزشتہ برسوں کے دوران، ماسٹر موٹر پاکستان کی سب سے بڑی آٹو موٹیو کمپنیوں میں سے ایک بن گئی ہے کیونکہ اس نے اپنی کراس اوور ایس یو وی اوشان X7 اور اپنی ایم پی وی کاروان متعارف کرائی ہے۔ یہ گاڑیاں بھی کافی کامیاب ثابت ہوئیں، خاص طور پر کاروان، جس نے مقامی مارکیٹ میں پرانی سوزوکی بولان کی جگہ لے لی ہے۔
نئے چنگان ایلسوین بلیک ایڈیشن کے بارے میں آپ کا کیا خیال ہے؟ کیا آپ نیا ویرینٹ خریدیں گے؟ کمنٹس سیکشن میں ہمیں بتائیں۔
