چنگان ایلسوین بلیک ایڈیشن پاکستان میں لانچ – فیچرز و دیگر تفصیلات
چنگان پاکستان نے آج اپنی سیڈان چنگان ایلسوین کا بلیک ایڈیشن لانچ کر دیا ہے۔ تفصیلات کے مطابق کمپنی نے اپنے ٹاپ ویرینٹ لومئیر کے لیے نیا آپشن متعارف کرایا۔
چنگان ایلسوئن میں کی گئی تبدیلیاں
کمپنی کے مطابق، نئے ویرینٹ میں یہ اپ گریڈز کی گئی ہیں:
- بلیک سائڈ ویو مررز
- بلیک الائے ویلز
- بلیک لیدر سیٹس
- بلیک روف
- بلیک ڈور ہینڈلز
- بلیک انٹیرئیر
قیمت
چنگان ایلسوین بلیک ایڈیشن کی قیمت 4574000 روپے ہے جو کہ ٹاپ ویرینٹ لومئیر سے 25000 زیادہ ہے جبکہ اس کی قیمت 4549000 روپے ہے۔
بکنگ
نئے ویرینٹ کی بکنگ کیلئے 1000000 روپے کی ادائیگی کرنا ہوگی۔ یہ صارفین کے لیے یہ ایک اچھی خبر ہے کیونکہ نیا ویرینٹ بلیک انٹیرئیر کے ساتھ آتا ہے، جو یقیناً کافی سٹائلش لگتا ہے۔
چنگان ایلسوین لومئیر میں دئیے گئے اضافی آپشنز میں اینٹی پِنچ، سٹارٹ سٹاپ ٹیکنالوجی، کروز کنٹرول، ہیٹیڈ سائیڈ مررز اور ٹائر پریشر مانیٹرنگ سسٹم کے ساتھ ساتھ ایک الیکٹرانک سن روف بھی دیا گیا ہے۔
چنگان ایلسوین کو پاکستان میں دسمبر 2020 میں ماسٹر موٹرز نے لانچ کیا تھا۔ اس بی سیگمنٹ سیڈان کے تین ویرینٹس متعارف کروائے گئے تھے یعنی مینوئل کمفرٹ DCT اور لومئیر۔ یہ گاڑی صارفین میں خاص طور پر اپنی خصوصیات اور ایکسٹیرئیر ڈیزائن کی وجہ سے کافی مقبول ہوئی۔
گزشتہ برسوں کے دوران، ماسٹر موٹر پاکستان کی سب سے بڑی آٹو موٹیو کمپنیوں میں سے ایک بن گئی ہے کیونکہ اس نے اپنی کراس اوور ایس یو وی اوشان X7 اور اپنی ایم پی وی کاروان متعارف کرائی ہے۔ یہ گاڑیاں بھی کافی کامیاب ثابت ہوئیں، خاص طور پر کاروان، جس نے مقامی مارکیٹ میں پرانی سوزوکی بولان کی جگہ لے لی ہے۔
چنگان کے نئے بلیک ایڈیشن کے بارے میں آپ کا کیا خیال ہے؟ کیا آپ یہ خریدیں گے؟ کمنٹس سیکشن میں ہمیں بتائیں۔
