اس ہفتے ڈونگ فینگ سوکون (DFSK) نے اعلان کیا ہے کہ وہ ہواوی کی پہلی ہائبرڈ SUV جلد پاکستان لائے گا۔ خبروں کے مطابق یہ گاڑی 2022 کی دوسری سہ ماہی میں آئے گی۔ لیکن ایسا لگتا ہے کہ یہ ملک میں لانچ ہونے والی DFSK کی واحد کراس اوور SUV نہیں ہے۔ کمپنی ذرائع کے مطابق منصوبے میں دو سے زیادہ SUVs شامل ہیں۔
خبریں اور ذرائع بتاتے ہیں کہ ان میں سے ایک الیکٹرک وہیکل (EV) ہوگی، جبکہ دوسری میں پٹرول انجن ہوگا۔
سیریز S3 (الیکٹرک گاڑی):
یہ EV کراس اوور SUV لوکل مارکیٹ میں رواں سال کی تیسری سہ ماہی میں لانچ کی جائے گی۔ خبروں کے مطابق یہ گاڑی 400 کلومیٹرز کی رینج رکھے گی۔ یہ 5 نشستوں کی گاڑی ہوگی۔ اور اگر آپ اس کی قیمت کے حوالے سے شک میں پڑے ہوئے ہیں تو پریشان مت ہو، ہمیں اس کی معلومات بھی ہے۔ ہمارے ذرائع کے مطابق اس کومپیکٹ SUV کی قیمت تقریباً 55 لاکھ روپے ہوگی۔
سیریز S3 کی تصویریں یہ رہیں:
DFSK گلوری اسٹار ورژن:
دوسری کومپیکٹ SUV جو لانچ ہونے جا رہی ہے وہ گلوری کا اسٹار ورژن ہے۔ کمپنی کے ذرائع کے مطابق یہ گاڑی 1.5T Gdi انجن کے بہتر آؤٹ پٹ کے ساتھ آئے گی۔ کراس اوور مبینہ طور پر متعدد سیفٹی فیچرز کی حامل ہوگی، جن میں لَین اسسٹنس، بلائنڈ اسپاٹ ڈٹیکشن، فرنٹ کار کولیژن وارننگ اور ایڈاپٹِو کروز کنٹرول شامل ہیں۔
اگر ہم قیمت پر آئیں تو اس گاڑی کی متوقع قیمت تقریباً 55 لاکھ روپے ہوگی۔
گلوری اسٹار ورژن کی تصویریں:
پاکستان اور کراس اوور SUVs:
کومپیکٹ کراس اوور SUVs کے سیگمنٹ میں مقابلہ ہر گزرتے دن کے ساتھ بڑھتا جا رہا ہے۔ ایسا لگتا ہے کہ ہر دوسرے دن ایک نئی SUV لانچ ہو رہی ہے۔ کِیا اسپورٹیج کے مقامی کار مارکیٹ میں غلبے کے بعد کئی نئے ادارے آئے ہیں۔ ہیونڈائی نشاط موٹرز، MG پاکستان، پروٹون پاکستان اور DFSK نے اس کیٹیگری میں اپنی گاڑیاں متعارف کروائی ہیں۔ یہ مقابلہ بلاشبہ خریداروں کے لیے زبردست کہ جن کے پاس اب انتخاب کے لیے کئی آپشنز موجود ہیں۔
کیا آپ ان دو کراس اوورز SUVs کی متوقع لانچ میں دلچسپی رکھتے ہیں؟ اپنے خیالات کمنٹس سیکشن میں پیش کیجیے۔
