گاڑیوں کی قیمتوں میں پچھلے کچھ دنوں میں بڑے پیمانے پر کمی دیکھی گئی ہے کیونکہ کِیا لکی موٹرز نے سٹونک کی قیمت میں 15 لاکھ روپے، پیجو پاکستان نے پیجو 2008 کی قیمت میں 4.5 لاکھ جبکہ پاکستان سوزوکی نے سوئفٹ کی قیمت میں 7.1 لاکھ روپے کمی کا اعلان کیا۔ یہ ایک دلچسپ پیش رفت تھی۔ اسی لیے سوال یہ پیدا ہوتا ہے کہ کار کمپنیوں نے قیمتوں میں یہ کمی کیوں کی؟ اس بارے میں مشہور ماہر اقتصادیات علی خضر نے کیا کہا؟ آئیے دیکھتے ہیں۔
خیال رہے کہ سٹونک کی قیمت میں 24 فیصد، سوئفٹ 13 فیصد جبکہ یارس 1.3 CVT اور ہنڈا سٹی سی وی ٹی کی قیمت میں بالترتیب 3 فیصد کمی کی گئی ہے۔
نیا GST اور گاڑیوں کی قیمتیں
قیمتوں میں کمی کے موجودہ رجحان پر بات کرتے ہوئے علی خضر نے نشاندہی کی کہ قیمتوں میں کمی کے بعد نئی قیمتیں 4.69 ملین اور 4.77 ملین روپے کے درمیان ہیں۔ خیال رہے کہ قیمتوں میں کمی سے قبل یہی قیمتیں 4.83 ملین اور روپے 6.28 ملین کے درمیان تھیں جو کہ کافی قابل توجہ تبدیلی ہے۔
مذکورہ چاروں کاروں کی نئی قیمتیں جی ایس ٹی کے بغیر 4 ملین روپے سے نیچے رہنے کی ایک وجہ کاروں پر 25 فیصد جی ایس ٹی ہے۔
اگر آپ کو یاد ہو تو مارچ 2023 میں حکومت نے 1400 سی سی اور اس سے اوپر کی کاروں پر جی ایس ٹی کو پچھلے 18 فیصد سے بڑھا کر 25 فیصد کر دیا تھا۔ اس دوران سٹونک کے علاوہ ان تمام کاروں کی قیمتوں پر کوئی اثر نہیں پڑا کیونکہ یہ سب 1400 سی سی سے کم ہیں اور ایس یو ویز بھی نہیں ہیں۔ تاہم سٹونک نے اس فیصلے کے ہونے والے اثرات کو سمجھا کیونکہ گاڑی کی قیمت پہلے سے ہی کافی زیادہ تھی۔
اس کے بعد مارچ 2024 حکومت نے ضابطے میں تبدیلی کرتے ہوئے، تمام کاروں پر عاید جی ایس ٹی کو بڑھا کر 25 فیصد کر دیا جن کی قیمتیں 40 لاکھ سے زیادہ ہیں۔ اسے دیکھتے کر ٹویوٹا اور ہنڈا نے اپنی گاڑیوں کی قیمتوں میں کمی کردی۔ جس کے نتیجے میں ہنڈا اور ٹویوٹا کی 1.3 اور 1.2 ٹاپ ویرینٹس کی قیمتیں 40 لاکھ سے کم ہو گئیں تاکہ ان پر نیا جی ایس ٹی ٹیکس عائد نہ ہو سکے۔
بعدازاں، کِیا لکی موٹرز نے بھی ایسا ہی کیا اور سٹونک کی قیمت میں ریکارڈ کمی کا اعلان کر دیا۔ اسی طرح سوزوکی نے بھی ایسا ہی کیا۔ لہذا، مجموعی طور پر کمپنیاں نئے جی ایس ٹی سے بچنے کی کوشش کر رہی ہیں، جو کسی نہ کسی طرح صارفین کے لیے مثبت ثابت ہوگا۔
اب سوال یہ ہے کہ کیا ٹویوٹا اور ہنڈا، سوزوکی اور کِیا کی طرح قیمتیں مزید کم کریں گے؟
اس ہفتے گاڑیوں کی قیمتوں میں ان بڑی کمی کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
