پاک ویلز حال ہی میں لانچ ہونے والے چنگان ایلسوِن کے مقامی طور پر اسمبل ہونے والے CKD یونٹ کی خصوصی تصویریں لایا ہے۔ ان تصویروں میں آپ اس سیڈان کا انٹیریئر اور ایکسٹیریئر دیکھ سکتے ہیں۔
ان تصویروں میں CKD یونٹس کی ایکسٹیریئر کوالٹی CBU یونٹس جیسی ہی لگتی ہے۔ اس کے علاوہ انٹیریئر کی مجموعی کوالٹی، کلر ٹون اور فیچرز بھی بہتری نظر آتے ہیں۔ ہمیں امید ہے کہ کمپنی آنے والے بیچز میں بھی اس معیار کو برقرار رکھے گی۔
تو یہ رہیں اس گاڑی کی خصوصی تصویریں:
ایلسوِن کی قیمت کا اعلان:
12 جنوری کو چنگان نے اپنی اس گاڑی کی قیمت کا اعلان کر ہی دیا کہ جس کا 2021ء میں سب سے زیادہ شدت سے انتظار کیا جا رہا ہے، یعنی “ایلسوِن”۔ قیمت کی باضابطہ رونمائی چنگان کے آفیشل فیس بک پیج پر رات 12 بجے کی گئی تھی۔ گو کہ اس وقت رات کافی ہو گئی تھی اور زیادہ تر لوگ پہلے ہی سو چکے تھے لیکن جو سونے کی تیاری کر رہے تھے، ان کی تو قیمت سن کر نیند ہی اڑ گئی ہوگی اور ہم نے سوشل میڈیا کے ساتھ ساتھ پاک ویلز فورم پر بھی اس حوالے سے کافی گفتگو دیکھی۔
چنگان کے سوشل میڈیا پیج نے 40 سیکنڈز کی ایک مختصر وڈیو پیش کی ہے جس میں ایلسوِن کی قیمت کے ساتھ مختلف ویرینٹس پر بھی بات کی گئی ہے۔
ایلسوِن کی قیمت کا اعلان:
چنگان پاکستان نے گاڑی کی باضابطہ تفصیلات دسمبر 2020ء میں ہی ظاہر کر دی تھیں، اور واحد چیز جو رہ گئی تھی وہ قیمت ہی تھی۔ جیسا کہ ہمیں پہلے ہی معلوم ہے کہ ایلسون تین ویرینٹس میں پیش گئی ہے، جن کی قیمتیں کچھ یوں ہیں:
- 37L بَیس ماڈل 5 اسپیڈ مینوئل ٹرانسمیشن کے ساتھ 21,99,000 روپے
- 5L کمفرٹ 5 اسپیڈ ڈوئل کلچ ٹرانسمیشن کے ساتھ 23,99,000 روپے
- 5L لیومیئر 5 اسپیڈ ڈوئل کلچ ٹرانسمیشن کے ساتھ 25,49,000 روپے
یہ تمام ایکس-ڈیلرشپ قیمتیں ہیں۔ گاڑیوں کی عام بکنگ 14 جنوری 2021ء سے شروع ہو چکی ہے، 7,50,000 روپے کی ایڈوانس ادائیگی کے ساتھ۔ ایلسوِن 3 سال/1,00,000 کلومیٹرز کی وارنٹی کے ساتھ آتی ہے، جو بھی پہلے مکمل ہو جائے۔
رنگوں کے آپشنز اسٹیلر وائٹ، لیونر سلوَر، گلیکسی بلیک، کاسمک ریڈ، نیبولا بلو اور اسپیس گرے ہیں۔
