چنگان ایلسون نے ‘آن منی’ سے نمٹنے کے لیے اہم اقدامات اٹھا لیے

0 15 531

چنگان موٹرز نے ایلسوِن کی بکنگ پر ‘آن منی’ کے مسئلے سے نمٹنے کے لیے سنجیدہ اقدامات اٹھانے کا فیصلہ کیا ہے۔ ایک بیان میں کمپنی کا کہنا ہے کہ اس نے چند لوگوں کو اپنی بکنگز ‘پریمیئم’ پر بیچنے کی کوشش کرتے دیکھا ہے۔ کمپنی کا کہنا ہے کہ «ہم نہ صرف ‘پریمیئم’ کی حوصلہ شکنی کرتے ہیں بلکہ ایسی سرگرمیوں میں حصہ بھی نہیں لیتے۔»

اس عمل کو روکنے کے لیے کمپنی مندرجہ ذیل اقدامات اٹھا رہی ہے:

  • چنگان گاڑی کی رسید اور ڈلیوری اسی شخص کو کرے گا جس کے CNIC پر بکنگ کی گئی تھی، اور اس کے اکاؤنٹ کے لیے پے آرڈر (PO) بنایا گیا تھا
  • کمپنی ادائیگی نہیں لے گی اگر PO پر «صارف کے نام کا اکاؤنٹ» پری آرڈر بکنگ (PBO) سے مختلف ہو۔
  • اس صورت میں کمپنی کسی بھی قسم کے مالی نقصان کی ذمہ دار نہیں ہوگی۔
  • کمپنی نے مزید کہا کہ وہ صارفین سے درخواست کرتی ہے کہ وہ بکنگ دوبارہ کھلنے کا انتظار کریں۔

 

ایلسوِن کی بکنگ بند:

قبل ازیں چنگان موٹرز نے اپنی حال ہی میں لانچ ہونے والی گاڑی ایلسوِن کی بکنگ بند کر دی تھی۔ کمپنی کے بیان کے مطابق یہ سیڈان «ہمارے جینوئن صارفین کی جانب سے جون تک کے لیے مکمل طور پر بُک کر لی گئی ہے۔» یہ بیان مزید کہتا ہے کہ چنگان ڈلیوری کا دورانیہ بڑھنے سے بچنے کے لیے مزید نئی بکنگز نہیں لے رہا۔

کمپنی نے کہا کہ «جلد ڈلیوری کے وعدے پر کسی کو بھی ادائیگی کرنے سے بچیں۔» چنگان نے مزید کہا کہ وہ جلد ہی بکنگ دوبارہ کھولے گا۔

بکنگ پہلے ہی دن بند ہوئی:

یہ بات قابلِ ذکر ہے کہ چنگان نے اسی دن بکنگ بند کی ہے، جس روز اسے عوام کے لیے کھولا گیا تھا۔ اس سے پہلے نوٹیفکیشن نے اعلان کیا تھا کہ عوام کے لیے بکنگ کا آغاز 14 جنوری کو ہوگا۔

اس سے پہلے 11 سے 13 جنوری تک 1000 صارفین کی پری بکنگ تھی جنہوں نے لکی ڈرا جیتا تھا۔ سوال یہ پیدا ہوتا ہے کہ کیا ان تاریخوں پر ڈیلرز نے صارفین کے لیے بکنگز تو نہیں کر لیں؟ کیونکہ گزشتہ روز جب لوگ بینک ڈرافٹس لیے ڈیلرشپس پر پہنچے، تو متعدد ڈيلرز نے انہیں بتایا کہ بکنگز نہیں ہیں۔ رپورٹس کے مطابق یہ کمپنی کی ڈیلرشپس پر بکنگ کھلنے کے محض چند گھنٹے بعد ہوا تھا۔

تو کیا اس حرکت کے بعد ہمیں قیمت میں اضافے کی توقع رکھنی چاہیے؟ ایک اور بڑا سوال یہ ابھرتا ہے کہ کیا اس سے ایلسوِن پر ‘آن منی’ کی حوصلہ افزائی نہیں ہوگی؟

 

۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.