اٹلس ہونڈا موٹر سائیکلیں – ایک مہینے میں دوسری مرتبہ قیمتوں میں اضافہ

اٹلس ہونڈا کی موٹر سائیکلوں نے جنوری 2021 کے دوران ایک مہینے میں دوسری مرتبہ قیمتوں میں اضافہ دیکھا ہے۔ ہونڈا ڈیلرشپس کے نوٹیفکیشن کے مطابق قیمتوں میں 3,400 روپے تک کا اضافہ کیا گیا ہے۔ اب ہونڈا CD70 کی نئی قیمت 81,900 روپے ہے جبکہ پرانی قیمت 79,500 روپے تھی یعنی موٹر سائیکل کی قیمت میں 2,400 روپے کا اضافہ کیا گیا ہے۔

اس کے علاوہ 3,000 روپے کے اضافے کے بعد ہونڈا CG125 کی نئی قیمت 1,34,900 روپے ہو گئی ہے جبکہ پرانی قیمت 1,31,900 روپے تھی۔ اس کے علاوہ CD70 ڈریم کی قیمت میں 2,400 روپے کا اضافہ دیکھا گیا ہے، اور اب یہ 87,900 روپے کی ہوگی۔ نئی CG 125 SE کی قیمت اب 16,29,000 روپے ہے کیونکہ اس موٹر سائیکل کی قیمت میں 3,400 روپے کا اضافہ کیا گیا ہے۔

CB 125 F اور CB 150 F کی قیمتوں میں 3,400 روپے کا اضافہ کیا گیا جو اب بالترتیب 1,95,900 اور 2,50,900 روپے کی ہو گئی ہیں۔

نئی قیمتوں کا اطلاق یکم فروری 2020 سے ہوگا۔

جنوری میں قیمتوں میں پہلا اضافہ:

جب لوگ ایک دوسرے کو نئے سال کی مبارکبادیں دے رہے تھے تو اٹلس ہونڈا نے رنگ میں بھنگ ڈال دیا تھا۔ کمپنی نے اپنی موٹر سائیکلوں کی قیمتوں میں 3,000 روپے تک کا اضافہ کیا تھا۔ یوں ہونڈا موٹر سائیکلیں 4 جنوری 2021 سے مزید مہنگی ہو گئیں۔

اٹلس ہونڈا کی جانب سے قیمتوں میں اضافہ

پرانی قیمت 76,900 روپے میں 1,000 روپے کے اضافے کے بعدا ہونڈا CD70 کی نئی قیمت 77,900 کی گئی۔ دوسری جانب CD70 ڈریم کی قیمت میں 3,000 روپے کا اضافہ کیا گیا اور اب وہ 85,500 روپے کی ہوگی۔ ہونڈا پرائیڈر اور CG125 دونوں کی قیمت میں 2,000 روپے کا اضافہ ہوا، جس کے ساتھ دونوں بالترتیب 1,10,500 اور 1,31,900 روپے کی ہوئیں۔ آخر میں ہونڈا CG-125SE کی قیمت جو 1,56,900 روپے پر 2,600 روپے کے اضافے کے نتیجے میں 1,59,500 روپے کی ہوئی۔

بظاہر کوئی وجہ نظر نہیں آتی کہ یہ اضافہ کیوں کیا گیا، کیونکہ امریکی ڈالر لوکل مارکیٹ میں مستحکم ہے۔ کمپنیوں نے گزشتہ چند سالوں کے دوران بارہا قیمتیں بڑھائی ہیں، جن کی وجہ سے موٹر سائیکلیں خریدنا مشکل ہو گیا ہے۔

ہونڈا اٹلس کی جانب سے اس دوسرے اضافے پر آپ کی کیا رائے ہے؟ اپنے خیالات نیچے تبصروں میں پیش کیجیے۔

مزید نیوز، ویوز اور ریویوز کے لیے پاک ویلز بلاگ وزٹ کرتے رہیں۔