ووکس ویگن پاکستان میں کونسی گاڑیاں لانچ کرسکتی ہے؟

ہمارے پاس ووکس ویگن سے متعلق ایک اہم خبر موجود ہے۔ اگر آپ کو یاد ہو تو ہم نے آپ کو بتایا تھا کہ پاکستان میں ووکس ویگن کا پلانٹ لگایا جا رہا ہے۔ انتہائی معتبر ذرائع نے ہمیں بتایا کہ پلانٹ دو سال میں مکمل ہو جائے گی۔ اس سے قبل توقع تھی ووکس گاڑیاں 2023 تک پاکستان میں آجائیں گی اور ہم نے اس کے بارے میں بھی آپ کو بتایا تھا۔ تاہم، ہمارے پاس آپ کے لیے ایک اپ ڈیٹ ہے کیونکہ منصوبوں میں بظاہر تبدیلی نظر آ رہی ہے۔

کار لانچ پلان

میڈیا رپورٹس میں بتایا گیا کہ جرمن کمپنی اپنا امروک ٹرک اور ٹرانسپورٹر وین پاکستان میں تیار کرے گی۔ امروک ٹرک ، ٹویوٹا ہائی لکس اور آئی سوز ڈی میکس کو جبکہ ٹرانسپورٹر وین ہیونڈائی گریںڈ سٹاریکس اور کیا گرینڈ کارینول کو ٹف ٹائم دینے کیلئے تیار تھا۔

منصوبوں کی تبدیلی

جیسا کہ پہلے ذکر کیا گیا ہے کہ منصوبوں میں تبدیلی کی گئی ہے۔ ہمیں یہ اپ ڈیٹ انجینئرنگ ڈویلپمنٹ بورڈ (EDB) کے سینئر عہدیدار عاصم کے ساتھ اپنے پوڈ کاسٹ کے دوران حاصل ہوئی۔ اہلکار نے ہمیں بتایا کہ ووکس ویگن نے ہم سے رابطہ کیا اور ہمیں بتایا کہ امروک ٹرک اور ٹرانسپورٹر وین کو عالمی الاقوامی سطح پر بند کر دیا گیا ہے، اسی لیے وہ ان کی جگہ دو نئی کاریں لینا چاہتے ہیں۔

انہوں نے مزید کہا کہ کمپنی 2026 تک اپنے گرین فیلڈ کو استعمال کرنا چاہتی ہے۔

ووکس ویگن کی نئی لانچ ہونے والی گاڑیاں

اہلکار کے مطابق، ووکس ویگن پاکستان میں سکوڈا اور ووکس ویگن کی ایس یو وی یا منی ایس یو وی لانچ کرنے کا منصوبہ بنا رہی ہے۔ یعنی کہ وہ اب کمرشل ٹرکوں کے بجائے پیسنجر وینز شروع کرنے جا رہے ہیں اور وہ ابتدائی طور پر یہ کاریں لانچ کریں گے۔

اہم  سوال یہ ہے کہ ووکس ویگن اور سکوڈا کی کون سی ایس یو وی لانچ ہو سکتی ہیں۔

• ووکس ویگن ٹاؤس (سی سیگمنٹ ایس یو وی)
• ٹی راک ( بی سیگمنٹ ایس یو وی)

دریں اثنا، یہ گاڑیاں بھی لانچ ہو سکتی ہیں۔

• سکوڈا کوڈیاک ( ڈی سیگمنٹ کراس اوور ایس یو وی)

لیکن کچھ بھی حتمی نہیں ہے، لہذا، 2023 میں ووکس ویگن کی طرف سے گاڑیوں کے اجراء کا انتظار کریں۔