گاڑیوں کی رجسٹریشن کے عمل کو آسان بنانے کیلئے ایکسائز، ٹیکسیشن اینڈ نارکوٹکس کنٹرول ڈیپارٹمنٹ نے ایک اہم قدم اٹھایا ہے، محکمے نے نئی گاڑیوں کی رجسٹریشن کیلئے موبائل سروس متعارف کرائی ہے۔ یہ سروس رجسٹریشن کے عمل کو لوگوں کو آسان بناتے ہوئے وقت کے بچاؤ اور کسی بھی پریشانی کے خاتمے کا باعث بنے گی۔
19 مارچ سے پنجاب ایکسائز موبائل رجسٹریشن سروس باغ جناح قائداعظم لائبریری پارکنگ میں اپنے کام کا آغاز کرے گی۔ اس کے بعد دوسرے مرحلے میں یہ 20 مارچ کو لبرٹی چوک گلبرگ اور پھر 21 مارچ کو فورٹریس سٹیڈیم لاہور کینٹ میں یہ سروس فراہم کی جائے گی۔ بعدازاں، 22 مارچ کو جوہر ٹاؤن مولانا شوکت علی روڈ کار مارکیٹ میں یہ موبائل سروس دستیاب ہوگی۔
اس کے علاوہ محکمہ گاڑیوں کی بروقت رجسٹریشن اور ٹرانسفر کی اہمیت کے بارے میں آگاہی پھیلانے کے لیے پنجاب موٹرز ڈیلرز ایسوسی ایشن کے ساتھ بھی کام کر رہا ہے۔ اس اقدام سے اس بات کو یقینی بنانے میں مدد ملے گی کہ ہر کوئی قانون کے دائرے میں کام کرتے ہوئے کسی بھی غیر ضروری جرمانے سے بچے۔
اس اقدام کا مقصد گاڑیوں کی رجسٹریشن کو ہر ایک کے لیے آسان بنانا ہے۔ اس سروس سے لوگوں کو سرکاری دفاتر میں جانے اور لمبی لائنوں میں انتظار کرنے کی بجائے اب اپنی گاڑیاں موبائل سروس کے ذریعے وہیں رجسٹر کروانے کا موقع ملے گا۔
ورچوئل وہیکل رجسٹریشن کارڈ
24 جنوری کو پنجاب ایکسائز، ٹیکسیشن اینڈ نارکوٹکس ڈیپارٹمنٹ نے گاڑیوں کے لیے ورچوئل رجسٹریشن کارڈ کا اجراء کیا۔ واضح رہے کہ نئے گاڑیوں کے مالکان کے لیے رجسٹریشن کارڈ کا جاری نہ ہونا کافی عرصے سے ایک مسئلہ بنا ہوا ہے کیونکہ انہیں ی کارڈ جاری نہیں کیا جا رہا تھا جبکہ ٹریفک پولیس رجسٹریشن کارڈ نہ ہونے پر جرمانے عائد کر رہی تھی۔ اس ڈیجیٹل کارڈ اور موبائل سروس کے آغاز سے پنجاب میں گاڑیوں کے مالکان کا ایک بڑا مسئلہ حل ہو جائے گا۔
محکمہ ایکسائز، ٹیکسیشن اور نارکوٹکس کے اس اقدام پر آپ کا کیا موقف ہے؟ کمنٹس سیکشن میں ہمیں بتائیں۔
