ہںڈا HR-V کے مداحوں کیلئے ایک اچھی خبر یہ ہے کہ پاکستان میں گاڑی کا ایک ٹیسٹ یوںٹ دیکھا گیا ہے۔ ہم اس بات کی تصدیق نہیں کر سکتے کہ یہ گاڑی پاکستان میں لانچ کی جائے گی یا نہیں۔
مقامی سڑکوں پر دیکھے گئے ٹیسٹ یونٹ کی تصویر میں یہ کراس اوور ایس یو وی بالک ڈھکی ہوئی نظر آتی ہے۔ جس کی وجہ سے اس کے بارے میں کسی قسم کا اندازہ لگانا مشکل ہے۔ اگرچہ نمبر پلیٹ نظر آرہی ہے لیکن ایکسائز کی ویب سائٹ سے پتہ چلتا ہے کہ اس مخصوص کار کی رجسٹریشن کا عمل ابھی جاری ہے۔
یہ کونسی گاڑی ہے؟
یہاں سوال یہ پیدا ہوتا ہے کہ یہ کون سی گاڑی ہے؟ گاڑی کو دیکھا جائے تو یہ ایک ٹیسٹ یونٹ لگتا ہے۔ اس کے علاوہ ہم نے بھی اپنے تئیں کچھ تحقیق کرنے کی کوشش کی اور ہماری رائے کے مطابق یہ ہنڈا HR-V کا ٹیسٹ یونٹ ہو سکتا ہے۔ اب آپ پوچھ سکتے ہیں کہ ہم اس نتیجے پر کیسے پہنچے؟ وضاحت ذیل میں درج ہے۔
خیال رہے کہ امریکہ میں ہنڈا HR-V کی نئی جنریشن کی رونمائی کی گئی ہے جسے رواں سال کے آخر تک لانچ کر دیا جائے گا۔ اس کے علاوہ اگر پاکستان میں نظر آنے والی گاڑی HR-V کا ٹیسٹ یونٹ ہے تو کم از کم یہ وہ HR-V نہیں ہے جو امریکا میں رونمائی کیلئے پیش کی گئی ہے
Pictures Credit: Snakai
خیال رہے کہ امریکہ میں ہنڈا HR-V کی نئی جنریشن کی رونمائی کی گئی ہے جسے رواں سال کے آخر تک لانچ کر دیا جائے گا۔ اس کے علاوہ اگر پاکستان میں نظر آنے والی گاڑی HR-V کا ٹیسٹ یونٹ ہے تو کم از کم یہ وہ HR-V نہیں ہے جو امریکا میں رونمائی کیلئے پیش کی گئی ہے۔
اگر ہنڈا اس کار کو پاکستان میں لانچ کرتی تو یہ مقامی صآرفین کیلئے ایک بڑی خوشخبری ہو گی کیونکہ یہ کراس اوور ایس یو وی کیٹیگری میں کمپنی کی پہلی گاڑی ہوگی۔ اگرچہ ہنڈا کا دعویٰ ہے کہ BR-V ایک کراس اوور SUV ہے لیکن آٹوموبائل ماہرین کی ایک بڑی تعداد اسے MPV بھی کہتے ہیں جو کہ ایک الگ بحث ہے۔ ہمیں بتائیں کہ آپ اس سپاٹ یونٹ کے بارے میں کیا سوچتے ہیں۔ کیا یہ واقعی ہنڈا کی کار ہے؟ کیا یہ HR-V ہے؟ کمنٹس سیکشن میں اپنے خیالات کا اظہار کریں۔
