ہیونڈائی ٹوسان کی قیمتوں میں 3 لاکھ روپے تک کا اضافہ دیکھنے میں آیا ہے۔ کمپنی کی جانب سے جاری کردہ نوٹیفکیشن کے مطابق نئی قیمتیں 25 مارچ 2022 اور اس کے بعد کی بکنگ کی تاریخ کے ساتھ تمام نئے آرڈرز پر لاگو ہوں گی۔
ہیونڈائی ٹوسان کی نئی قیمتیں
ہیونڈائی ٹوسان کی نئی قیمتیں یہ ہیں:
- ہیونڈائی ٹوسان GLS سپورٹ (FWD)کی قیمت میں 250000 روپے کا اضافہ کیا گیا ہے جس کے بعد گاڑی کی نئی قیمت 5799000 روپے ہو چکی ہے جبکہ پرانی قیمت 5549000 تھی۔
- اس کے علاوہ ہیونڈائی ٹوسان الٹی میٹ (AWD) کی قیمت میں 300000 روپے کا اضافہ کیا گیا ہے۔ جس کے بعد گاڑی کی قیمت 5999000 روپے سے بڑھ کر 6299000 روپے ہو چکی ہے۔
ہیونڈائی کا موقف
ہنڈائی نشاط کا کہنا ہے کہ 25 مارچ 2022 سے ہیونڈائی ٹوسان کے لیے دوبارہ آرڈر وصول کیے جا رہے ہیں۔ دریں اثنا، کمپنی نے کہا کہ امریکی ڈالر کی قدر میں اضافہ اور عالمی سطح پر فریٹ چارجز میں اضافہ قیمتیں میں اضافے کی بڑی وجوہات میں شامل ہیں۔ کمپنی نے دعویٰ کیا ہے کہ ان وجوہات نے ہماری CKD کٹس اور مقامی پرزوں کی لاگت میں اضافہ کیا ہے۔
کار کمپنیوں کی طرف سے قیمتوں میں تازہ اضافہ
اس سے قبل ہیونڈائی نشاط موٹرز، کِیا لکی موٹرز اور ٹویوٹا پاکستان اپنی گاڑیوں کی قیمتوں میں اضافہ کر چکے ہیں۔ دونوں کمپنیوں نے ان اضافے کے پیچھے ایک ہی وجہ بتائی ہے۔ یہ تازہ ترین اضافہ یقینی طور پر عوام کی قوت خرید کو متاثر کرے گا کیونکہ پچھلے دو سالوں میں کاروں کے نرخ بار بار بڑھے ہیں۔
یہ اضافہ COVID-19 کے آفٹر شاکس ہیں کیونکہ عالمی سطح پر ترسیل کے اخراجات اور میٹریل کی قیمتیں بڑھ رہی ہیں۔ پاکستان کے ساتھ ساتھ بین الاقوامی کار مارکیٹ بھی مشکل وقت سے گزر رہی ہے۔ ہم امید کرتے ہیں کہ صورتحال جلد ہی ٹھیک ہو جائے گی اور قیمتیں کم ہو جائیں گی یا کم از کم طویل مدت کے لیے مستحکم ہو جائیں گی۔
دریں اثنا، پاکستانی حکومت کو امریکی ڈالر کے مقابلے پاکستانی روپے کی مسلسل گرتی ہوئی قدر کو کنٹرول کرنے کی ضرورت ہے کیونکہ اسے کنٹرول کیے بغیر قیمتیں بڑھتی رہیں گی۔
کیا آپ کے خیال میں یہ اضافہ جائز ہے؟ کمنٹس سیکشن میں اپنے خیالات کا اظہار کریں۔
