جیٹور کی پریمیم SUVs رواں ماہ پاکستان آ رہی ہیں – ذرائع
ایک اور دن، ایک اور خبر، اور ایک اور کار برانڈ پاکستان میں آنے کے لیے تیار ہے۔ جی ہاں! ہم بات کر رہے ہیں جیٹور کی دو نئی پریمیم ایس یو ویز “ڈیشنگ” اور “ایکس 70 پلس” کی۔
اگر آپ سوچ رہے ہیں کہ یہ کار برانڈ پاکستان میں کون متعارف کروا رہا ہے تو آپ کو یاد ہوگا کہ اگست 2024 میں یہ خبر سامنے آئی تھی کہ یونائیٹڈ موٹرز پاکستان میں جیٹور کو متعارف کرانے جا رہی ہے۔
جیٹور ایک چینی آٹومیکر چیری کی ذیلی کمپنی ہے، جو 2018 میں قائم ہوئی تھی اور خاص طور پر ایس یو ویز اور کراس اوورز بنانے میں مہارت رکھتی ہے۔ اب کمپنی پاکستان میں دو کراس اوور ایس یو ویز ڈیشنگ اور ایکس 70 پلس لانچ کرنے کی تیاری کر رہی ہے۔
ابتدائی معلومات کے مطابق، یہ دونوں گاڑیاں مقامی سطح پر اسمبل (CKD) کی جائیں گی اور 1.5 لیٹر ٹربو پیٹرول انجن سے لیس ہوں گی۔
- ڈیشنگ ایک 5 سیٹر ایس یو وی ہوگی۔
- ایکس 70 پلس میں 7 افراد کے بیٹھنے کی گنجائش ہوگی۔
جیٹور ڈیشنگ – فیچرز و دیگر خصوصیات
بیرونی ڈیزائن
- جدید ملٹی لیول سلیٹڈ فرنٹ گرل
- آٹومیٹک ایل ای ڈی ہیڈلائٹس
- ایل ای ڈی ڈی آر ایل (ڈیٹائم رننگ لائٹس)
- ایل ای ڈی ریئر ٹیل لائٹس
- ویلکم لائٹ پروجیکشن لوگو (منتخب ماڈلز میں)
- آٹومیٹک رین سینسرز
- فالو می ہوم لائٹس
اندرونی خصوصیات
- 10.25 انچ کا ڈوئل انسٹرومنٹ کلسٹر اور انفوٹینمنٹ سسٹم
- ایپل کار پلے اور اینڈروئیڈ آٹو سپورٹ
- انٹیلیجنٹ وائس کمانڈ سسٹم
- وائرلیس چارجنگ
- 6 اسپیکرز تک (منتخب ماڈلز میں)
- کی لیس انٹری اور اسٹارٹ
- مصنوعی چمڑے کی سیٹیں
- ملٹی فنکشن لیذر اسٹیئرنگ ویل (4 طرف ایڈجسٹ ایبل)
- پینورامک گلاس سن روف (منتخب ماڈلز میں)
- الیکٹرک ٹیل گیٹ
- ڈیجیٹل الیکٹرک ایئر کنڈیشنگ
- 8 مختلف رنگوں کے ایمبیئنٹ لائٹس (منتخب ماڈلز میں)
انجن اور پاور
جیٹور ڈیشنگ 1.5 لیٹر کُنپینگ TCI ٹربو انجن کے ساتھ آتی ہے، جو 115 کلو واٹ (156 ہارس پاور) اور 230Nm ٹارک پیدا کرنے کی صلاحیت رکھتی ہے۔ اس کی اوسط فیول اکانومی 7.8 لیٹر/100 کلومیٹر ہے۔
سیفٹی فیچرز
- 6 ایئر بیگز تک
- اے بی ایس + ای بی ڈی
- ISOFIX چائلڈ سیٹ اینکرز
- الیکٹرانک اسٹیبلٹی پروگرام (ESP)
- لین چینج اسسٹ (LCA) (منتخب ماڈلز میں)
- ریئر کراس ٹریفک الرٹ (RCTA) (منتخب ماڈلز میں)
- بلائنڈ اسپاٹ ڈیٹیکشن (BSD) (منتخب ماڈلز میں)
- ٹائر پریشر مانیٹرنگ سسٹم (TPMS)
- ہائڈروالک بریک اسسٹ سسٹم (HBA)
- ہل ہولڈ کنٹرول (HHC)
- ہل ڈیسنٹ کنٹرول (HDC)
- 360 ڈگری پارکنگ اسسٹ سسٹم
- ریئر پارکنگ کیمرہ اور سینسرز