کِیا اسپورٹیج الفا لانچ: ایک بروقت قدم؟

کِیا نے LX یا الفا کے نام سے اپنی اسپورٹیج کا بَیس ورژن لانچ کر دیا ہے۔ خبروں کے مطابق کمپنی نے یہ نئی گاڑی 4.4 ملین روپے کی قیمت پر متعارف کروائی  ہے۔ ان کا مزید کہنا ہے کہ کمپنی نے پینورامک رُوف، پارکنگ سینسرز، وہیکل اسٹیبلٹی کنٹرول اور بریک ہولڈ نکال دیے ہیں۔

لوکل آٹوموبائل انڈسٹری میں نیا ٹرینڈ:

کِیا پہلی کمپنی نہیں ہے کہ جس نے اپنے مشہور ماڈل کا بَیس ورژن لانچ کیا ہے۔ اس سال ٹویوٹا نے بھی 7.3 ملین روپے کی قیمت پر فورچیونر کا بَیس ورژن لانچ کیا تھا۔ بیس ورژن کچھ تبدیلیوں اور کم سہولتوں کے ساتھ آتا ہے، جس میں فیبرک سیٹیں، 17 انچ رِمز، بائی-ہیلوجن PES ہیڈلیمپس شامل ہیں۔

یہ لوکل مارکیٹ میں نیا ٹرینڈ ہے کیونکہ کمپنیاں زیادہ سے زیادہ صارفین کو اپنا خریدار بنانے کی کوشش کر رہی ہیں۔ ان بیس ویرینٹس کا مقصد ذرا کم قیمت میں پریمیم ماڈلز کا تقریباً ویسا ہی تجربہ فراہم کرنا ہے۔

پاکستان میں کمپنیاں یہ اقدامات اس لیے بھی اٹھا رہی ہیں کہ ملک میں گاڑیوں کی قیمتیں مسلسل بڑھ رہی ہیں۔ مقامی کار مینوفیکچررز اور اسمبلرز نے خاص طور پر پچھلے دو سالوں میں اپنے ماڈلز کی قیمتوں میں بڑا اضافہ کیا ہے۔ کمپنیوں نے اس اضافے کی وجہ زیادہ ٹیکس، روپے کی قدر میں آنے والی کمی اور مارکیٹ کے سست پڑجانے کو قرار دیا ہے۔ قیمتوں میں اس اضافے نے نئی کاروں کو مقامی صارفین کی قوتِ خرید سے باہر کر دیا ہے؛ اس لیے کمپنیاں اپنے خریداروں کے لیے ایسے نئے اقدامات اٹھا رہی ہیں۔

البتہ یہ دیکھنا ابھی باقی ہے کہ یہ بَیس ماڈلز لوکل مارکیٹ میں کامیاب بھی ہوں گے اور اپنی جگہ بھی بنا پائیں گے یا نہیں۔

لانچ کا وقت:

کِیا نے یہ کار بہت نازک وقت پر لانچ کی ہے کیونکہ ہیونڈائی ٹکسن ریلیز ہونے ہی والی ہے۔ ساؤتھ کورین کمپنی کی ‏SUV کا پاکستان میں شدت سے انتظار کیا گیا ہے، البتہ کمپنی نے ابھی اس کی قیمت ظاہر نہیں کی ہے۔ مختلف خبروں اور ذرائع سے ہم ٹکسن کے ‏comparisons اور فیچرز آپ کے سامنے پیش  کر چکے ہیں۔

ٹکسن کی لانچ کو ذہن میں رکھیں تو یہ واقعی کِیا کا بہت اہم قدم ہے کیونکہ کمپنی ہیونڈائی کی نئی کار آنے سے پہلے زیادہ سے زیادہ مارکیٹ حاصل کرنا چاہتی ہے۔ یہ قدم اُن صارفین پر بھی بڑے اثرات ڈالے گا کہ جو ٹکسن کی آمد کا انتظار کر رہے ہیں کیونکہ اب وہ کِیا اسپورٹیج الفا پر غور کریں گے۔ اس سے لوکل مارکیٹ میں مقابلہ بڑھ جائے گا جو ایک حد تک لوکل کسٹمرز کے لیے اچھی بات ہے۔

کِیا اسپورٹیج الفا بمقابلہ ہیونڈائی ٹکسن:

ویسے تو اندازہ ہے کہ ان دونوں کاروں کے درمیان بڑا فرق ہوگا، لیکن ہم اپنے ریڈرز کو دونوں گاڑیوں کا مختصر سا comparison ضرور فراہم کر رہے ہیں:

فیچرز	اسپورٹیج الفا	ہیونڈائی ٹکسن
انجن پاور	‏2L 155HP	‏2L 155HP
ہیڈلائٹس	پروجیکٹر ہیلوجن ہیڈلائٹس	‏LED ہیڈلائٹس
گیئر ٹرانسمیشن	6-اسپیڈ آٹومیٹک	6-اسپیڈ آٹومیٹک
ٹائر رِمز	225/60/17-انچ الائے رِمز	225/55/18-انچ الائے رِمز
سیٹوں کا مٹیریل	فیبرک	لیدر
پینورامک سن رُوف	جی نہیں	جی ہاں
سیفٹی	2 ایئربیگز	2-فرنٹ، 2-سائیڈ ایئربیگز

آخری فیصلہ:

جیسا کہ پہلے بتایا گیا ہے کہ یہ کِیا کا بہت دلچسپ قدم ہے، البتہ اس کا فیصلہ مستقبل ہی کرے گا کہ یہ کامیاب بھی ہوتا ہے یا نہیں۔ یہ تازہ ترین ڈیولپمنٹ لوکل مارکیٹ میں مقابلے کو بڑھائے گی اور اب اس کا انحصار کسٹمرز پر ہے کہ وہ ایڈوانسڈ ویرینٹس کی طرف جاتے ہیں  یا بَیس ویرینٹ کی جانب۔