کِیا لکی موٹرز نے حال ہی میں لانچ ہونے والی سب کومپیکٹ کراس اوور ایس یو وی کِیا سٹونک کا ڈیلیوری ٹائم بڑھا دیا ہے۔ ہماری معلومات کے مطابق کِیا سٹونک کا نیا ڈیلیوری ٹائم 3 ماہ ہے۔
واضح رہے کہ لانچ کے وقت گاڑی کا ڈیلیوری ٹائم 30 دن تھا جسے بڑھا کر اب 3 ماہ کر دیا گیا ہے یعنی کہ اب صارفین کو گاڑی کے لیے مزید دو ماہ انتظار کرنا پڑے گا۔ ہماری معلومات کے مطابق یہ نیا ڈیلیوری ٹائم آج سے نافذ العمل ہے جبکہ بکنگ کی قیمت 10 لاکھ روپے ہے۔
کِیا پکانٹو کی بکنگ
کِیا گاڑیوں سے متعلق ایک اور اہم بات یہ ہے کہ کِیا پکانٹو کی بکنگ اب کھلی ہے۔ ہماری معلومات کے مطابق کِیا پکانٹو A/T 1.0 کا ڈلیوری ٹائم 6 ماہ ہے جبکہ پکانٹو 1.0 M/T کا ڈلیوری ٹائم 5 ماہ ہے۔ ہیچ بیک گاڑیوں کے مداحوں کیلئے یہ ایک بڑی خبر ہے۔
کِیا سپورٹیج اور سورینٹو کی بُکنگ
کیا سپورٹیج کے تینوں ویرینٹس کی بکنگ کھلی ہے۔ سپورٹیج AWD کا ڈیلیوری ٹائم اب 6 ماہ ہے۔ اسی طرح سپورٹیج FWD کا ڈیلیوری ٹائم 5 ماہ ہے۔ اس کے علاوہ سپورٹیج ایلفا کا ڈلیوری ٹائم 4 ماہ ہے۔ خیال رہے کہ ایلفا کی بکنگ پہلے ہی معطل کر دی گئی تھی۔
دریں اثنا، سورینٹو2.4 AWD کی ڈیلیوری کا دورانیہ 1 مہینہ ہے۔ اسی طرح سورینٹو 2.4 FWD کے لیے بھی 1 مہینہ ہے جبکہ آپ سورینٹو 3.5 FWD صرف 1 ہفتے میں حاصل کر سکتے ہیں۔
ہمیں امید ہے کہ جب آپ کِیا گاڑی خریدنے کا فیصلہ کریں گے تو یہ معلومات آپ کے لیے مددگار ثابت ہوں گی۔
کورونا کی وجہ سے دنیا بھر میں آٹو انڈسٹری کو پیداوار اور ترسیل میں مسائل کا سامنا ہے۔ یہی وجہ ہے کہ کچھ گاڑیوں کی بکنگ بشمول پکانٹو اور سپورٹیج ایلفا کو معطل کر دیا گیا تھا۔ امید ہے کہ وقت کے ساتھ ساتھ حالات بہتر ہوں گے اور کمپنیز اور صارفین دونوں کو ریلیف ملے گا۔ تاہم، لگتا ہے کہ یہ تمام حالات جلد بہتر نہیں ہوں گے کیوں کہ کیونکہ حال ہی میں کمپنیز نے پاکستان میں گاڑیوں کی قیمتوں میں اضافہ کیا ہے۔
کیا یہ معلومات آپ کے لیے مفید ہے؟ نیچے دئیے گئے کمنٹ سیکشن میں اپنے خیالات کا اظہار کریں۔
