ایک تازہ ترین اپ ڈیٹ کے مطابق کِیا لکی موٹرز نے کِیا پکانٹو اور سپورٹیج مقامی طور پر تیار شدہ کِیا سٹونک کے تمام ویرینٹس کی بکنگز کو معطل کر دیا ہے۔
نوٹیفکیشن کے مطابق، کمپنی اگلے نوٹس تک ان ویریئنٹس کی بکنگ معطل کر رہی ہے۔ “تاہم، پیداوار، ترسیل اور رسیدیں منصوبہ بندی کے مطابق جاری رہیں گی،” کمپنی نے کہا۔
اس کے علاوہ کِیا سٹونک، سورینٹو اور کِیا گرینڈ کارنیول کے امپورٹڈ یونٹس کے لیے بکنگ کھلی ہے۔ اس نوٹیفکیشن میں حیران کن بات یہ ہے کہ کمپنی اب بھی کِیا سٹونک کے CBU یونٹس فروخت کر رہی ہے۔
اسی کے ساتھ ساتھ کمپنی نے گرینڈ کارنیول کی قیمت میں بھی 500000 روپے کا اضافہ کیا۔ جس کے بعد گاڑی کی قیمت 9999000 روپے سے بڑھ کر 10499000 روپے ہو چکی ہے۔
