کِیا نے نیرو EV اور سٹِنگر کی جھلکیاں جاری کر دیں، کیا یہ گاڑیاں پاکستان آ رہی ہیں؟

سوشل میڈیا پر تازہ ترین ویڈیو میں کِیا لکی موٹرز نے اپنی چند کاروں کی جھلکیاں شیئر کیں۔ جہاں کِیا نیرو EV اور کِیا سٹنگر دیکھیں گے اور یہ سب بہت دلچسپ ہے کیونکہ کمپنی نے ابھی تک یہ دونوں گاڑیاں پاکستان میں لانچ نہیں کی گئیں۔ شئیر کی گئی ویڈیو کے کیپشن میں لکھا ہے: “کیا آپ بہت جلد اپنے شہر میں آنے والے حتمی Kia کی گاڑیوں کو دیکھنے کے لیے پرجوش ہیں۔” اس سے اشارہ ملتا ہے کہ ویڈیو میں نظر آنے والی کاریں آنے والے ہفتوں میں پاکستان میں آ رہی ہیں۔

آپ یہاں کلک کر کے ویڈیو دیکھ سکتے ہیں۔

کیا نیرو EV اور سٹنگر پاکستان آرہی ہیں؟

تو کیا ہمیں یہ دو نئی کاریں مل رہی ہیں؟ اس سوال کا جواب تھوڑا پیچیدہ ہے۔ ہمارے ذرائع کے مطابق کمپنی ان دونوں گاڑیوں کو پاکستان بھر میں اپنی مختلف ڈیلرشپ پر دکھائے گی، لیکن یہ فی الحال صرف نمائش کے لیے ہوں گی۔ کمپنی صارفین کی توجہ اپنی ڈیلرشپس کی طرف دلانا چاہتی ہے۔ خاص طور پر جبکہ ملک بدترین معاشی مشکلات کا شکار ہے۔ اس لیے ان کاروں کو جلد ڈیلر شپس پر لایا جائے گا۔ ذرائع نے مزید کہا کہ Kia امید کر رہی ہے کہ لوگ انہیں دیکھنے کیلئے ڈیلرشپس پر آئیں گے۔

کمپنی نے Niro EV اور Stinger کے CBU یونٹس کو درآمد کیا ہے، لیکن حیران کن بات یہ ہے کہ کمپنی ان گاڑیوں کو جلد لانچ کرنے کا کوئی منصوبہ رکھتی۔ ہمارے ماہرین کے مطابق، نیرو EV کو جو ماڈل جھلکیوں میں دکھایا گیا ہے، عالمی سطح پر بند ہو چکا ہے جبکہ سٹنگر کو بھی رواں سال مار یا اپریل میں عالمی سطح پر بند کر دیا جائے گا۔ ایسے میں ہم صرف سٹنگر کی توقع کر سکتے ہیں کیونکہ عالمی سطح پر اس کی سیل اچھی نہیں رہی اور RHD  گاڑیاں انوینٹری میں فروخت نہیں ہو سکتی ہیں، جنہیں لکی موٹرز رعایتی شرح پر درآمد کر کے مقامی طور پر فروخت کر سکتا ہے۔ اسی طرح نیرو EV کے ساتھ بھی یہی معاملہ ہے، یا پھر نیرو EV کو مقامی سطح پر تیار کر کے فروخت کرنے کے امکانات ہیں کیوںکہ ایسے میں الیکٹرک کاروں پر مراعات کے زیادہ مواقع ہیں۔

ایک اور نقطہ نظر

تاہم، دوسرے ذرائع اور ماہرین کے خیالات قدرے مختلف ہیں، کیونکہ ان کے خیال میں ہم سی بی یو سٹنگر اور شاید سی کے ڈی نیرو کی توقع کر سکتے ہیں۔ لیکن ذرائع نے یہ دعویٰ کیا ہے کہ اگر نیرو پاکستان میں لانچ کی جاتی ہے تو یہ الیکٹرک گاڑی نہیں ہوگی کیونکہ کِیا لکی فی الحال الیکٹرک گاڑیوں پر توجہ نہیں دے رہی ہے۔ لہٰذا، مجموعی طور پر، کسی بھی چیز کی تصدیق نہیں ہے سوائے اس کے کہ ہمیں یہ کاریں وقت جلد نہیں ملیں گی، خاص طور پر جب پاکستان میں معاشی حالات کافی بدترہیں۔

آپ کا کیا خیال ہے کہ ہمیں Kia Niro EV اور Stinger ملے گی؟ کمنٹس سیکشن میں اپنے خیالات کا اظہار کریں۔