نئی لینڈ کروزر LC 300 ایک ماہ قبل پاکستان میں لانچ کی گئی۔ جس کی قیمت 72499000 روپے رکھی گئی۔ کمپنی نے گزشتہ ماہ اپریل میں گاڑی کی بکنگ کا آغاز کرتے ہوئے کہا کہ اس کا ڈلیوری ٹائم تقریبا ایک سال ہے۔
نئی قیمت
لینڈ کروزر LC 300 کی قیمت میں 7500000 روپے اضافہ کر دیا ہے۔ جس کے بعد گاڑی کی قیمت 79999000 روپے ہو چکی ہے۔ حیران کن طور لوگ اسے 80 لاکھ سمجھتے ہیں لیکن یہ قیمت 8 کروڑ ہے۔
گاڑی کی بکنگ کیلئے ادا کی جانے والی رقم (3 کروڑ) میں کوئی تبدیلی نہیں کی گئی۔ اگر آپ اس مہینے میں کار بُک کرتے ہیں، تو آپ کو یقیناً مذکورہ قیمت پر مل جائے گی اور یوں کمپنی آپ کو مستقبل میں قیمتوں میں اضافے سے محفوظ رکھے گی۔
ڈیلیوری ٹائم
اس سے پہلے LC300 کی متوقع ڈلیوری کا وقت 12 ماہ تھا۔ لیکن اب، کمپنی ستمبر/اکتوبر تک ڈیلیوری کرنے کے لیے تیار ہے۔
تاہم، صارفین کو 50 روپے کے اسٹامپ پیپر پر ایک انڈرٹیکنگ پر دستخط کرنا ہوں گے جس میں یہ تسلیم کیا جائے گا کہ سپلائی کی حدود اور دیگر عوامل کی وجہ سے ڈیلیوری کا وقت 12 ماہ سے زیادہ بڑھ سکتا ہے۔
اس بات سے انکار نہیں کیا جاسکتا کہ نئی لینڈ کروزر کسی بھی دوسری لینڈ کروزر سے بڑی، زیادہ طاقتور، پرتعیش اور محفوظ ہے لیکن اس کی قیمت 8 کروڑ روپے ہے؟ آئیے دیکھتے ہیں کہ اس گاڑی میں کوںسے فیچر دئیے گئے ہیں۔
- 5Lٹوئن ٹربو V6 پیٹرول انجن
- 409 ہارس پاور اورNm 650 ٹارک
- 10 اسپیڈ آٹومیٹک ٹرانسمیشن
- ایکو، کمفرٹ، سپورٹ، سپورٹ پلس اور کسٹم ڈرائیو موڈز
- ڈائنامِک لیولِنگ ساتھ ایل ای ڈی ہیڈ لیمپ
- انفینٹی ایل ای ڈی ٹیل لیمپ
- پاورڈ ٹیل گیٹ
- سن روف
- 20 انچ الائے ویلز
- ہیٹنڈ وینٹی لیٹِڈ سیٹس
- 4-زون انڈیپنڈنٹ کلائمیٹ کنٹرول
- 7 انچ کا TFT LCD میٹر کلسٹر
- 5 انچ ٹچ سکرین انفوٹینمنٹ سسٹم
- 13 ایئر بیگز
- کروز کنٹرول
- کرشن کنٹرول
- ٹیرین اسسٹ
- ملٹی ویو کیمرہ
- فرنٹ اور رئیر پارکنگ سینسر
- کرال کنٹرول
- و دیگر فیچرز۔۔۔
آپ لینڈ کروزر کی قیمت میں اس اضافے کے بارے میں کیا کہتے ہیں۔ کمنٹس سیکشن میں اپنے رائے کا اظہار کریں۔
