کچھ دن پہلے ایک اور MG گاڑی کی پاکستان آمد کی خبریں سننے میں آ رہی تھی۔ یہ سب جاوید آفریدی کی جانب سے ٹوئٹر پر MG 3 کے ٹیزر سے شروع ہوا۔ جاوید آفریدی نے طاقتور اور خوبصورت MG ہیچ بیک کی وڈیو شیئڑ کی جو سڑک پر اپنے جلوے دکھا رہی تھی اور پاکستان میں اپنے فالوورز سے پوچھا کہ اس کی قیمت تجویز کریں۔ سب نے اپنے اندازے لگائے لیکن سب حیران رہ گئے جب جاوید آفریدی نے 20 لاکھ روپے سے کم قیمت تجویز کی۔ اس مرتبہ آفریدی ایک اپڈیٹ کے ساتھ دوبارہ میدان میں ہیں کہ MG 3 جلد پاکستان آئے گی۔
اس ٹوئٹ کی دلچسپ بات یہ ہے کہ آفریدی نے پیلے رنگ کی MG 3 کو پشاور زلمی سے جوڑا ہے۔ تمام PSL فینز کے جذبات کے عین مطابق!
NEED MORE ZALMI COLOURS IN LIFE ⁉️ #MG3 🔜 pic.twitter.com/er0Fh5Q3BS
— Javed Afridi (@JAfridi10) March 2, 2021
3 ہیچ بیک پر ایک نظر
MG 3 ایک 1500cc کی 5-دروازوں والی سب کومپیکٹ ہیچ بیک ہے۔ یہ گاڑی انٹرنیشنل مارکیٹ میں دوسری جنریشن میں دستیاب ہے۔ اس کا 1.5-لیٹر انجن 5-اسپیڈ مینوئً اور 4-اسپیڈ آٹومیٹک ٹرانسمیشن کے ساتھ آتی ہے۔ یہ گاڑی شوخ شکل و صورت اور پریمیم فیچرز رکھتی ہے، جیسا کہ کروز کنٹرول، 8 انچ کی ٹچ اسکرین انفوٹینمنٹ اسکرین ایپل کار پلے کے ساتھ، ریئر پارکنگ سینسرز، ریئر ویو کیمرا، الیکٹرانک ونڈوز، اسپیڈ-سینسیٹو پاور اسٹیئرنگ، 6 ایئر بیگز، ایمرجنسی بریک اسسٹ (EBA)، ہِل ہولڈ کنٹرول اور ٹائر پریشر مانیٹرنگ (TPMS)۔
MG 3 ہیچ بیک کا سب سے اہم پہلو ہے اس کی مناسب قیمت۔ MG 3 چینی مارکیٹ میں 17.4 لاکھ سے 19.1 لاکھ روپے ہے۔ اگر یہ گاڑی اسی قیمت میں پاکستان کی لوکل مارکیٹ میں آتی ہے تو یہ گیم-چینجر ہوگی۔ پاکستانیوں کو سوزوکی کلٹس اور کِیا پکانٹو کے علاوہ مناسب قیمت کی ہیچ بیک کا آپشن ملے گا۔
البتہ MG موٹرز پاکستان میں اپنی گاڑیاں امپورٹڈ CBU یونٹس کے طور پر فروخت کر رہی ہے۔ کمپنی MG 3 کے معاملے میں بھی ایسا ہی کرے گی۔ کسٹمز ڈیوٹی اور دیگر ٹیکسز ملا کر اس گاڑی کی قیمت ڈبل ہو جائے گی۔ اس لیے MG اس گاڑی کو 20 لاکھ روپے سے کم قیمت پر کیسے فروخت کرے گا؟ آپ کی طرح ہم بھی اس سوال کا جواب پانے کے منتظر ہیں۔
جب تک ہم پاکستان میں ایک اور MG گاڑی کی آمد کی خبروں کا لطف اٹھا سکتے ہیں، وہ بھی اپنی پسندیدہ PSL ٹیم پشاور زلمی کے رنگوں میں۔ قیمت کے لیے انتظار کرتے ہیں اور دیکھتے ہیں۔
