MG موٹرز نے پاکستان میں کافی ہائپ بنا لی ہے۔ حال ہی میں پاکستانی آٹومارکیٹ میں کامیابی سے قدم رکھے ہیں کہ جہاں لوگ MG کی HG SUV کو بہت پسند کر رہے ہیں۔ ایسا لگتا ہے کہ کمپنی نے مستقبل کے لیے بڑے منصوبے بنا لیے ہیں۔ MG پاکستان کے مالک جاوید آفریدی نے حال ہی میں دو مزید MG گاڑیوں کی پاکستان آمد کے اشارے دیے ہیں، MG 6 سیڈان اور MG RX8 SUV۔ توقعات کے مطابق اُن کے ٹیزر نے کئی کار لوَرز کو “(O)MG!” کہنے پر مجبور کر دیا ہے۔
جاوید آفریدی، جنہوں نے پاکستان میں MG موٹرز کو متعارف کروایا ہے، نے یہ خبر ٹوئٹر پر دی۔ انہوں نے ایک لال رنگ کی MG 6 سیڈان میں بیٹھ کر ایک مختصر سی وڈیو میں ناظرین سے اس گاڑی کے بارے میں اپنے خیالات پوچھے اور پاکستانی مارکیٹ میں اس کی قیمت پر تجویز بھی مانگی ہے۔
What about this Model (MG6) & what Price you suggest for Pakistan Market ? pic.twitter.com/mk5uANiEzL
— Javed Afridi (@JAfridi10) December 8, 2020
بعد میں MG موٹرز کے مقامی نمائندے نے MG RX8 SUV کی چند تصویریں اور ایک وڈیو بھی جاری کی کہ جو فالو-اپ پوسٹس لگتی ہیں۔ پاکستان میں MG کے فینز تو یہی امیدیں لگا رہے ہیں کہ یہ گاڑی ملک میں لانچ ہوگی۔
What about this Model (MG6) & what Price you suggest for Pakistan Market ? pic.twitter.com/mk5uANiEzL
— Javed Afridi (@JAfridi10) December 8, 2020
MG RX8 pic.twitter.com/f6VQcBbf3w
— Javed Afridi (@JAfridi10) December 9, 2020
MG 6 سیڈان پر ایک نظر:
یہ سیڈان گاڑی مختلف عالمی مارکیٹوں میں متعدد ویرینٹس میں دیکھی گئی ہے۔ اسٹینڈرڈ ویرینٹ میں طاقتور 1.5 لیٹر ٹربوچارجڈ 4-سلنڈر پٹرول انجن ہے۔ یہ انجن 169hp اور 250Nm ٹارک پیدا کرتا ہے، جو 7-اسپیڈ ڈوئل-کلچ آٹومیٹک ٹرانسمیشن سے لیس ہے۔
سیفٹی:
ایک ایئربیگ اور ABS اس گاڑی کے سیفٹی پلان کا حصہ ہیں۔
نمایاں فیچرز:
فیچرز جیسا کہ 16-انچ الائے ویلز، پاور ونڈوز، پاور اسٹیئرنگ کے ساتھ، کنٹرول سوئچز کے ساتھ ایک لیدر اسٹیئرنگ ویل، سن رُوف، فیبرک کی سیٹیں، ریئر پارکنگ سینسرز اور کیمرے اس سیڈان کو صارفین کے لیے پُرکشش بنانے کے ساتھ ساتھ موجودہ سیڈان چیمپیئنز یعنی ٹویوٹا کرولا اور ہونڈا سوِک کے خلاف مقابلے کی فضاء بھی سخت بنا رہے ہیں۔
MG RX8 SUV پر ایک نظر:
اس لائن میں اگلی گاڑی ہے RX8 ایک فُلی-لوڈڈ سات سیٹوں کی SUV کہ جو دو ویرینٹس میں آتی ہے۔ Roewe RX8 اور میکسس D90 دونوں پاور-پیکڈ 2.0 لیٹر ٹربوچارجڈ پٹرول انجن رکھتی ہیں کہ جو 224hp اور 360Nm ٹارک پیدا کرتے ہیں، اور 6-اسپیڈ آٹومیٹک ٹرانسمیشن سے لیس ہیں۔
نمایاں فیچرز اور سیفٹی:
اس کے علاوہ اس SUV کا انٹیریئر اپنے سادہ لیکن ٹرینڈی ایکسٹیریئر سے زیادہ شاندار ہے۔ چمڑے کی سلائی اور برشڈ المونیم ٹرِم پیسز کا زبردست امتزاج اسے ایک اسپورٹی گاڑی بناتا ہے۔ فرنٹ، سائیڈ اور کرٹین ایئربیگز، ایک ریئر ویو کیمرا اور کروز کنٹرول اسے سفر کے لیے ایک محفوظ گاڑی بناتے ہیں۔ اگر پاکستان میں لانچ کی گئی تو یہ SUV کِیا سورنٹو، ٹویوٹا فورچیونر اور ہیونڈائی سانتا فی کا مقابلہ کرے گی۔
MG پاکستان آگے ہی آگے!
MG پاکستان کی شہرت دن بدن بڑھتی جا رہی ہے۔ ان کی پہلی گاڑی MG HS کو پاکستانیوں کی جانب سے زبردست رسپانس ملا کہ اس کی بکنگ لانچ کے بعد کچھ ہی وقت میں بند کرنا پڑی۔ اس لیے MG کی مزید گاڑیوں کی پاکستان کی سڑکوں پر آمد بلاشبہ لوکل آٹومارکیٹ کو بدل کر رکھ دے گی۔ جاوید آفریدی کا جوش دیکھتے ہوئے لگتا ہے ہمیں زیادہ انتظار نہیں کرنا پڑے گا۔
گاڑیوں کے حوالے سے مزید اپڈیٹس کے لیے پاک ویلز بلاگ پر آتے رہیں اور پاکستان میں MG موٹرز کی لائن اپ میں دو مزید گاڑیوں کی خبروں کے حوالے سے آپ کیا رائے رکھتے ہیں، ہمیں ضرور بتائیں۔
