نئی سوزوکی سوئفٹ آج لانچ کر دی جائے گی۔ رپورٹس کے مطابق لانچنگ کی تقریب آج لاہور میں ہوگی۔ لانچنگ سے قبل گاڑی کی لیک شدہ تصاویر سامنے ہونا شروع ہوگئیں ہیں۔ ہمارے پاس نئی سوزوکی سوئفٹ جی ایل (بیس ویرینٹ) کی تصاویر موجود ہیں۔
تصاویر میں میرون رنگ کا یونٹ لوگو پر ٹیپ کے ساتھ کہیں کھڑا دکھائی دے رہا ہے۔ مزید برآں، آپ کار کے اگلے اور پچھلے حصے کو اندرونی حصے کی ایک جھلک کے ساتھ دیکھ سکتے ہیں۔
ایکسٹیرئیر
گاڑی کے فرنٹ پر آپ کو سلِم گرِل، انڈیکیٹرز کے ساتھ ہیلوجن ہیڈلائٹس لیمپس دکھائی دیں گے۔ اس کے علاوہ، آپ فوگ لیمپ کور دیکھ سکتے ہیں لیکن ایسا لگتا ہے کہ ان میں لیمپ نہیں ہیں۔ رئیر پروفائل کی بات کریں تو یہاں وائپر، ہائی ماؤنٹ بریک لیمپ اور GL لوگو کے ساتھ سادہ بریک لائٹس ہیں۔ یہ ہیچ بیک الائے وہیل کے ساتھ آئے گی۔
انٹیرئیر
گاڑی کے انٹیرئیر کا رنگ مکمل طور پر سیاہ ہے۔ اس کے علاوہ یہاں آپ یہاں سوئچ لیس اسٹیئرنگ، انفوٹینمنٹ سسٹم، کی سوئچ، پاور وِنڈو کنٹرول، مینوئل گیئر ٹرانسمشن اور مینوئل ہینڈ بریک دیکھ سکتے ہیں۔
ہم سوزوکی سوئفٹ کے آج لانچ ہونے کے بعد اس کے تمام ویرینٹس کی فیچرز اور تفصیلات لائیں گے۔
متوقع انجن
ہمارے ذرائع کے مطابق گاڑی میں K12C ڈوئل جیٹ اِن لائن 4 انجن دیا جائے گا اور یقینی طور پر گاڑی میں 5 سپیڈ مینوئل یا سی وی ٹی ٹرانسمشن دی جائے گی۔
متوقع قیمت
نئی سوزوکی سوئفٹ کو 27 سے 28 لاکھ کی قیمت کے درمیان لانچ کیا جا سکتا ہے۔
خیال رہے کہ سوزوکی نے پرانی سوئفٹ کو ستمبر 2021 میں بند کر دیا تھا۔ کمپنی نے تقریباً ایک سال قبل اس کار کو بند کرنے کے اپنے منصوبے کا اعلان کیا تھا کیونکہ اس نے پاکستان میں کار کی نئی جنریشن لانچ کرنے کا اعلان کیا تھا۔
کیا آپ نئی سوزوکی سوئفٹ کے لانچ کے بارے میں پرجوش ہیں؟ نیچے دئیے گئے کمنٹ سیکشن میں اپنے خیالات کا اظہار کریں۔
