اوگرا نے پیٹرول کی قیمت میں 5.25 روپے اضافے کی تجویز پیش کر دی ہے جس کے بعد پیٹرول کی قیمتو میں ایک بار پھر اضافے کا امکان پایا جاتا ہے۔ اس سے قبل 16 ستمبر کو پیٹروک کی قیمت میں 5 روپے فی لیٹر اضافہ کیا گیا تھا۔
پیٹرول کے علاوہ ڈیزل کی قیمت میں 3.5 روپے فی لیٹر کا اضافہ متوقع ہے۔ میڈیا رپورٹ کے مطابق اوگرا نے یکم اکتوبر سے پٹرولیم کی قیمتوں میں اضافے کی تجویز فنانس ڈویژن کو بھیج دی ہے۔ وزارت خزانہ وزیراعظم عمران خان سے مشاورت کے بعد حتمی فیصلہ کرے گی۔ پٹرول کی نئی قیمتوں کا اعلان آج شام تک کیا جائے گا۔
پیٹرول کی حالیہ قیمت
رواں سال 16 ستمبر کو پیٹرول کی قیمتوں میں اضافے کے بعد پیٹرول کی قیمت 123.30 روپے جبکہ ڈیزل کی قیمت 120.04 روپے ہو گئی ہے۔ اسی طرح لائیٹ ڈیزل کی قیمت 90.69 روپے فی لیٹر جبکہ کیروسین ایل کی قیمت 92.26 روپے فی لیٹر ہے۔
حکومت گزشتہ چند ماہ سے پٹرول کی قیمتوں کے ساتھ ساتھ عوامی جذبات سے بھی کھیل رہی ہے۔ گزشتہ دو ماہ میں پیٹرول کی قیمت میں 4 بار اضافہ کیا گیا ہے اور اب دیکھنا ہے کہ کیا اب کی بار حکومت پیٹرول کی قیمت میں اضافہ کرتی ہے یا پرانی برقرار رہے گی۔
جیسا کہ ہم آپ کو پہلے بتا چکے ہیں کہ وزیر اعظم خان نے ابھی تک پٹرولیم اشیاء کی قیمتوں میں اضافے کی منظوری نہیں دی ہے۔ اگر پیٹرولیم مصنوعات کی قیمتوں میں اضافہ کیا جاتا ہے تو خبر ملتے ہی ہم آپ کو نئی قیمتوں کے بارے اپڈیٹ کریں گے۔
کیا آپ کو لگتا ہے کہ حکومت اس بار پٹرول کی قیمتوں میں اضافہ کرے گی؟ اگر ہاں تو پٹرولیم مصنوعات کی قیمتوں میں کتنا اضافہ کیا جا سکتا ہے؟ متوقع اضافے سے مقامی صارفین پر کیا اثر پڑے گا؟ نیچے دئیے گئے کمنٹس سیکشن میں اپنے خیالات کا اظہار کریں۔
