پچھلے چند سالوں سے پوری دنیا میں الیکٹرک گاڑیاں بہت تیزی سے پھیل رہی ہیں۔ لیکن دیگر میدانوں کی طرح پاکستان الیکٹرک گاڑیوں کے انقلاب میں بھی پیچھے ہے۔ البتہ اچھی خبر یہ ہے کہ بالآخر پاکستان کی پہلی الیکٹرک بس میدان میں آ گئی ہے۔ حکومتِ سندھ نے ایک انقلابی قدم اٹھاتے ہوئے کراچی میں ایک الیکٹرک بس سروس کا آغاز کیا ہے۔ یہ ہمارے ملک کے لیے ایک تاریخی لمحہ ہے اور مستقبل کی جانب ایک قدم ہے۔
وزیر ٹرانسپورٹ سندھ سید اویس قادر شاہ نے کراچی میں پہلی الیکٹرک بس کا افتتاح کیا۔ افتتاحی تقریب سے خطاب کرتے ہوئے وزیر نے کہا کہ الیکٹرک بسوں کی شمولیت سے شہر میں ٹرانسپورٹ مسائل اور آلودگی کے خاتمے میں مدد ملے گی۔ انہوں نے جلد ہی ایسی 100 بسوں کی آمد کا وعدہ بھی کیا۔
Inaugrated the first electric bus for Karachi. We will be adding a fleet of 100 electric buses for Karachi in near future. InshAllah !! pic.twitter.com/Nzcqlt2e4r
— Syed Awais Shah (@awais_shah01) March 30, 2021
وفاقی وزیر سائنس و ٹیکنالوجی چوہدری فواد حسین نے یہ قدم اٹھانے پر ٹوئٹر پر حکومتِ سندھ، خاص طور پر وزیر اعلیٰ مراد علی شاہ، کو مبارک باد دی۔ وفاقی وزیر نے حکومت سندھ کی حمایت کا اظہار کیا اور پنجاب اور خیبر پختونخوا حکومت سے بھی جلد از جلد ایسے ہی اقدامات اٹھانے کا مطالبہ کیا۔
Want to congratulate Sindh Govt specially @MuradAliShahPPP and ministry of transport on their remarkable step to add electric bus in Karachi Commuters system,@MinistryofST is fully behind Sind Govt in this futuristic approach hope Punjab and KP ll also take same route ASAP
— Ch Fawad Hussain (@fawadchaudhry) March 30, 2021
پاکستان میں الیکٹرک گاڑیاں
پاکستان ایک بھرپور EV پالیسی رکھتا ہے جو وفاقی کابینہ نے گزشتہ سال دسمبر میں منظور کی تھی۔ دو الیکٹرک گاڑیاں، بی ایم ڈبلیو i8 اور آؤڈی ای-ٹرون، ہمارے ملک میں موجود ہیں اور مزید ایسی ہی کئی گاڑیاں آ بھی رہی ہیں۔ لیکن یہ ایسی گاڑیاں ہیں جن کی حیثیت صرف امیر طبقہ رکھتا ہے۔ اس لیے پاکستان میں پہلی الیکٹرک بس متعارف کروانا عوام کے لیے بلاشبہ ایک بڑا قدم ہے۔ اس سے ایسے دور کا آغاز ہوگا جس میں ہر شخص سفر کے لیے الیکٹرک ذرائع استعمال کر سکتا ہے۔ گو کہ ہم الیکٹرک گاڑیوں کی ٹیکنالوجی کی دوڑ میں دوسرے کئی ملکوں سے پیچھے ہیں، لیکن اب کم از کم دوڑ میں تو آ گئے ہیں۔
ہمیں کراچی والوں کی خوشی ہے اور امید ہے کہ وہ الیکٹرک بس سروس کا بہترین استعمال کریں گے۔ اب پنجاب اور خیبر پختونخوا کا انتظار ہے۔
