آخرکار مقامی سطح پر تیار کی جانے والی MG HS نمائش کیلئے پیش کر دی گئی ہے۔ ایم جی پاکستان نے ایک تقریب کے دوران گاڑی کی نمائش کی۔ کمپنی کی جانب سے اٹھایا گیا یہ اقدام انتہائی اہمیت کا حامل ہے کیونکہ کمپنی گاڑی کے CBU یونٹس فروخت کر رہی ہے اور کوویڈ 19 کی وجہ سے گاڑی کی درآمد اور ڈیلیوری میں مسائل کا سامنا ہے جس سے کمپنی بھی بہت سی مشکلات کا شکار ہے۔ اب جبکہ اس گاڑی کا CKD یونٹ لانچ ہو چکا ہے اس لیے امید ہے کہ یہ مسائل بھی حل ہو جائیں گے۔
ویرینٹس
کمپنی کی جانب سے MG HS کے دو ویرینٹس (بیس، ٹاپ) سامنے لائے گئے ہیں۔ دریں اثنا، ایم جی پاکستان ڈیجیٹل سپیڈومیٹر کے ساتھ آنے والی HS کے CBU یونٹس فروخت کرے گی۔
خصوصی تصاویر:
CKD یونٹ کا اعلان
مئی 2021 میں JW SEZ گروپ کے سربراہ اور MG کے مقامی پارٹنر جاوید آفریدی نے MG گاڑیوں سے متعلقہ پیش رفت کے بارے اعلان کیا۔ اپنی ایک ٹویٹ میں ان کا کہنا تھا کہ الحمدللہ، مقامی سطح پر پہلی ایم جی کار تیار کر لی گئی ہے۔ اس کے ساتھ انھوں گاڑی کی دو تصاویر بھی شئیر کیں۔
MG اسمبلی پلانٹ
اسی ماہ MG موٹرز پاکستان نے اعلان کیا کہ کمپنی جلد گاڑیوں کی مقامی سطح پر تیاری شروع کرے گی۔ سوشل میڈیا پوسٹ میں کمپنی نے کہا کہ پاکستانی اور چینی ماہرین کے زیر سایہ پہلا ایم جی موٹر اسمبلی پلانٹ تیاری کے مراحل میں ہے۔ بیان میں مزید کہا گیا کہ جلد کمپنی مقامی طور پر گاڑیاں تیار کرنے کے قابل ہو جائے گی۔
کمپنی کا کہنا تھا کہ یہ نہ صرف ہمارے لیے بلکہ پاکستان کی پوری آٹوانڈسٹری کے لیے بڑا اقدام ہوگا۔
ایم جی پاکستان اس وقت HS اور ZS فروخت کر رہی ہے جبکہ امید کی جا رہی ہے کہ ZS EV بھی جلد فروخت کیلئے پیش کی جائے گی۔ اس کے علاوہ جاوید آفریدی نے تین گاڑیوں، گلاسٹر، MG 3 اور MG GT کی لانچنگ کا اشارہ دیا ہے۔
متوقع قیمت
کمپنی نے CKD MG HS کی قیمت کا اعلان نہیں کیا۔ نیچے دئیے گئے کمنٹ سیکشن میں اپنی رائے کا اظہار کریں۔
مزید خبروں اور ریوئیوز کیلئے پاک ویلز بلاگ وزٹ کریں۔
