آج ہم سوزوکی بینڈٹ 400 بارے اس کے مالک کا ریوئیو لیں گے۔ یہ ایک موڈیفائیڈ بائیک ہے جسے اس کے اونر نے 2020 میں خریدا اور اس میں چند تبدیلیاں کیں جبکہ اس میں بڑی موڈیفیکیشن 2015 میں کی گئی۔ بائیک کا نام GSF سوزوکی بینڈِٹ ہے جس کی پیداوار 1989 سے 1997 تک جاری رہی جبکہ یہ بائیک 1989 میں تیار کی گئی تھی۔
انجن
اس بائیک میں 16 والوز کے ساتھ DOC 4-Cylinder 400cc انجن دیا گیا ہے جو 59 سے 60 ہارس پاور پیدا کرنے کی صلاحیت رکھتا ہے۔ چونکہ اس میں 4 سلنڈر ہیں اسی لیے اس موٹر سائیکل کی آواز بہت اچھی ہے۔
قیمت اور موڈیفیکیشن
بائیک کے مالک نے یہ 5 لاکھ روپے میں خریدی تھی تاہم اضافی اخراجات اور کچھ موڈیفیکیشن کے بعد کل قیمت 6.5 لاکھ روپے تک پہنچ گئی۔ مالک کے مطابق انھوں نے نئے آئی آر سی تھائی لینڈ ٹائر، گیئر پوزیشن انڈیکیٹر، ہیڈلائٹس، گیئر پوزیشن ٹمپریچر سینسر، لیور گارڈز اور سی این سی لیور سیٹ لگوائے۔ مالک کا کہنا تھا کہ وہ ٹینک کی پینٹ کوالٹی سے مطمئن نہیں تھا اس لیی اس نے ٹینک پر نئے سٹیکرز لگوا لیے۔
فیول ایوریج
موٹر سائیکل میں جاپانی OEM کاربوریٹر لگائے گئے ہیں جو نہ صرف قابل اعتماد ہیں بلکہ ان کی دیکھ بھال بھی بہت آسان ہے۔ انکا کہنا تھا کہ کاربوریٹرز کی وجہ سے بائیک اب بھی اوسطا 15-16 کلومیٹر فی لیٹر فیول ایوریج دے رہی ہے اور وہ اس میں ہائی اوکٹین پیٹرول استعمال کرتے ہیں۔
دیکھ بھال پر آنے والی لاگت
بائیک کے مالک نے ہمیں بتایا کہ وہ سینتھیٹک آئل استعمال کرتے ہیں اور ہر ایک ہزار کلومیٹر کے بعد اسے تبدیل کرتا ہے۔ انکا کہنا تھا کہ میں تیل کی تبدیلی کے ساتھ بائیک کا آئل فلٹر بھی تبدیل کرتا ہوں اور اس کام کی قیمت تقریبا 3500 روپے تک آتی ہے۔ اس کے علاوہ ایسی آئل بائیکس کے مکینک بھی آسانی سے دستیاب ہوتے ہیں، خاص طور پر لاہور جیسے شہروں میں یہ آسانی سے مل جاتے ہیں۔
پارٹس کی دستیابی
انکا کہنا تھا کہ چونکہ یہ سوزوکی موٹر سائیکل ہے اس لیے اس کے پارٹس مقامی مارکیٹ میں بہت آسانی سے دستیاب ہیں۔ انہوں نے مزید کہا کہ میں نے نئی فرنٹ لائٹ، ریئر لائٹ اور کلچ وائر بہت آسانی سے خریدے ہیں۔ انھوں نے کہا کہ آپ چین اس کے انجن کے اجزاء مثلا والوز اور سِیلز چین سے آسانی سے درآمد کر سکتے ہیں۔
سیفٹی فیچرز
بائیک کے مالک کا کہنا تھا کہ یہ ایک پرانی موٹر سائیکل ہے اس لیے اس میں ABS اور ٹریکشن کنٹرول جیسے فیچرز نہیں دئیے گئے ہے، البتہ اس کی بریکنگ بہت اچھی ہے ، بشرطیکہ آپ کے پاس اچھے ٹائر ہوں اور اس کا انجن اسٹریس ممبر کے طور پر لگا ہوا ہو۔ انھوں نے مزید بتایا کہ انجن میں کوئی ربڑ انسٹالیشن اور ماؤنٹس نہیں ہے۔
اس کے علاوہ بائیک کے فرنٹ پر Dual ڈِسک بریکس اور Dual پِسٹن کیلیپر جبکہ پچھلے حصے پر سنگل پِسٹن کیلیپر اور ڈِسک بریک دی گئی ہے۔
ڈرائیونگ
بائیک کے اونر کا کہنا تھا کہ سوزوکی بینڈٹ 400 ایک عام موٹر سائیکل نہیں ہے کیونکہ اس میں 4 سلنڈر انجن دیا گیا ہے جو کہ اس بائیک کو رفتار کے لحاظ سے کافی طاقتور بناتا ہے۔ انھوں نے بتایا کہ اگر بائیک کی ٹیوننگ وقت پر کروائی جائے تو اس کو ٹریکس پر بھی چلایا جا سکتا ہے۔ بائیک کا ہینڈل تھوڑا ہیوی ہے لیکن اونر اس سے مکمل طور پر مطمئن ہیں۔
