سازگار-بی اے آئی سی نے پاکستان انٹرنیشنل آٹو شو 2020ء میں ایکس 25، ڈی 20 اور بی جے 40 متعارف کروا دیں

سازگار انجینئرنگ ورکس لمیٹڈ اپنی نئی BAIC گاڑیوں کے ساتھ انٹرنیشنل ایکسپو سینٹر لاہور میں پاکستان کے سب سے بڑے آٹو شو میں خوب رونق لگا رہا ہے۔

تفصیلات کے مطابق PAPS 2020 کا آغاز 21 فروری سے لاہور میں ہو چکا ہے اور یہ 3 دن تک جاری رہے گا۔ اس آٹو ایونٹ کا شدت سے انتظار کیا جا رہا تھا کہ جہاں سازگار پاکستان میں آنے والی BAIC کاروں کی رونمائی کرکے سرخیوں میں جگہ پا رہا ہے۔ کمپنی نے اب تک ان گاڑیوں کو ملک میں لانچنگ تاریخیں ظاہر نہیں کی، لیکن توقع ہے کہ یہ جلد ہی متعارف کروا دی جائیں گی۔ BAIC چین کی سرکاری بیجنگ آٹوموٹو انڈسٹری کمپنی ہے، کہ جو سازگار انجینئرنگ ورکس کے تعاون سے پاکستان میں یہ گاڑیاں پیش کر رہی ہے۔ یہ BAIC گاڑیاں اس وقت 3 روزہ ایونٹ میں سازگار کے آؤٹ لیٹ پر موجود ہیں:

• BAIC BJ40 پلس (آف-روڈ گاڑی)
• BAIC سینووا X25 (کومپیکٹ کراس اوور) 
• BAIC سینووا D20 (5-دروازوں کی ہیچ بیک) 

BAIC BJ40L: 

BAIC BJ40L ایک آف-روڈ گاڑی ہے جو دو قسم کے انجن میں دستیاب ہے؛ B201R مینوئل ٹرانسمیشن رکھنے والا 2.0-لیٹر انجن جو 145 kW طاقت اور 270 Nm ٹارک پیدا کرتا ہے اور B231R آٹومیٹک ٹرانسمیشن رکھنے والا 2.3-لیٹر انجن جو 184 Kw طاقت اور 350 Nm ٹارک پیدا کرتا ہے۔ ان میں سے 2.0-لیٹر ویرینٹ دو آپشنز میں آتا ہے، 2WD کمفرٹ اور 4WD ایلیٹ ماڈل۔ دوسری جانب BAIC BJ40L کا 2.3-لیٹر ورژن صرف 4WD لگژری ورژن میں آتا ہے۔ یہ آف روڈ گاڑی یورو V اسٹینڈرڈ اور اگلے اور پچھلے حصوں میں ڈسک بریکس رکھتی ہے۔ BAIC BJ40L کا ہائی-اینڈ ماڈل 17 انچ المونیم-الائے رِمز اور 245/65 R17 ٹائر سائز کے ساتھ آتا ہے۔ یہ گاڑی مندرجہ ذیل کنٹرول اور سیفٹی فیچرز بھی رکھتی ہے: 

• ABS+EB
• ڈوئل ایئر بیگز
• 3-پوائنٹ سیٹ بیلٹس 
• سینٹرل لاکنگ سسٹم
• چوری سے بچانے کے لیے الارم سسٹم
• اموبیلائز
• ISO FIX ہُکس

باہر لگے مِررز الیکٹرانکلی کنٹرولڈ، ہیٹڈ اور فولڈیبل ہیں۔ یہ کروم گرِل اور میٹ پینٹ بھی پیش کرتی ہے۔ پچھلے حصے میں یہ کمبی نیشن LED ٹیل لائٹ اور ریئر وِنڈو ڈی فراسٹر رکھتی ہے۔ واضح رہے کہ BAIC BJ40 بیس ویرینٹ ماڈل میں بھی دستیاب ہے۔ یہ 2.4-لیٹر M/T، 2.0-لیٹر M/T اور 2.3-لیٹرA/T انجن اور ٹرانسمیشن آپشنز میں دستیاب ہے۔ 

 سینووا X25: 

BAIC سینووا X25 ایک کومپیکٹ کراس اوور ہے جو 1.5 لیٹر A151 انجن سے لیس ہے جو یورو V اسٹینڈرڈ رکھتا ہے۔ یہ کراس اوور ٹرانسمیشن کے حوالے سے دو ویرینٹس میں دستیاب ہے۔ BAIC سینووا X25 ایک 5-اسپیڈ مینوئل اور 4-اسپیڈ آٹومیٹک ٹرانسمیشن میں آتی ہے۔ کمپنی ہر ویرینٹ میں ڈرائیونگ موڈز کے لحاظ سے دو قسم کی گاڑیاں پیش کر رہی ہے یعنی کمفرٹ ایڈیشن اور اسپورٹس ایڈیشن۔ یہ گاڑی اِن سیفٹی اور کنٹرول فیچرز سے لیس ہے: 

• ABS اور EBD بریکنگ سسٹم 
• چوری سے بچانے کے لیے الارم سسٹم
• چائلڈ سیفٹی لاک 
• ریئر پارکنگ ریڈار
• کروز کنٹرول
• ISO FIX ہُکس 
• اموبیلائزر 
• اگلی اور پچھلی قطار میں 3-پوائنٹ سیٹ بیلٹ 
• سینٹرل لاکنگ 

BAIC سینووا X25 ڈے ٹائم رننگ لائٹس (DRLs) سے بھی لیس ہے جس میں ہیڈ لائٹس اور فوگ لیمپس کے لیے ہائٹ ایڈجسٹمنٹ فیچر بھی ہے۔ یہ پچھلے حصے میں ہائی-ماؤنٹڈ LED بریک لیمپس رکھتی ہے۔ انٹرٹینمنٹ کے لیے یہ اسمارٹ فون کنیکٹیوٹی کی حامل 7-انچ کی اسکرین رکھتی ہے اور اسٹیئرنگ وِیل میں ملٹی-فنکشنز بھی ہیں۔

 سینووا D20: 

BAIC سینووا D20 ایک 5-دروازوں کی ہیچ بیک ہے جو دو قسم کے انجن آپشنز میں آتی ہے 5-اسپیڈ مینوئل ٹرانسمیشن کے ساتھ 1.3 لیٹر انجن اور 5-اسپیڈ مینوئل اور 4-اسپیڈ آٹومیٹک ٹرانسمیشن کے ساتھ 1.5-لیٹر ۔ یہ یورو V اسٹینڈرڈ بھی رکھتی ہے۔ دوسرے ماڈلز کی طرح یہ ہیچ بیک بھی مندرجہ ذیل کنٹرول اور سیفٹی فیچرز رکھتی ہے: 

• ABS+EBD
• کروز کنٹرول
• ISO FIX
• اموبیلائزر
• ایئر بیگز
• الیکٹرونک تھروٹل
• ہیڈ لائٹس آن وارننگ سسٹم
• فوگ لائٹس

PAPS 2020 میں سازگار-BAIC مندرجہ بالا تمام گاڑیوں کی نمائش کر رہا ہے۔ اگر آپ ان گاڑیوں کے بارے میں مزید جاننا چاہتے ہیں تو فوراً ایکسپو سینٹر لاہور میں سازگار کے آؤٹ لیٹ پر جائیں۔ 

PAPS 2020 میں نمائش کے لیے موجود BAIC کی گاڑیوں کے بارے میں اپنی رائے نیچے تبصروں میں پیش کیجیے۔ پاکستان انٹرنیشنل آٹو شو 2020ء کے بارے میں مزید خبروں کے لیے پاک ویلز کے ساتھ رہیے۔