سوزوکی ہیچ بیکس کے مداح پاکستانی صارفین اہم ترین ک﷽ر یہ ہے کہ پاک سوزوکی کی جانب سے جلد ہی سوزوکی کلٹس بند کر دی جائے گئی۔ اگر یہ خبر شچ ہے تو یہ کلٹس گاڑیوں کے مالکان اور دیگر مداحوں کیلئے یقینا بڑی خبر ہو سکتی ہے۔
ذرائع کا کہنا ہے کہ آںے والے چند ماہ کلٹس پاکستان میں بند کر دی جائے گی۔
گاڑی بند کرنے کی وجہ؟
ذرائع نے ہمیں بتایا کہ کمپنی حال ہی میں لانچ کی گئی سوزوکی سوئفٹ کو اپنی اعلیٰ پیشکش کے طور پر فروغ دینا چاہتی ہے۔ ذرائع کا مزید کہنا ہے کہ اس صورت حال میں کلٹس کمپنی کیلئے کسی مشکل سے کم نہیں ہے۔ کمپنی چاہتی ہے کہ صارفین نئی سوئفٹ کی جانب رجوع کریں۔
ذرائع کا یہ بھی کہنا ہے کہ سوئفٹ کے ساتھ ساتھ کمپنی آلٹو کی فروخت کو بھی بڑھانا چاہتی ہے۔ پاما رپورٹ کے مطابق مارچ 2022 میں آلٹو کے 9814 یونٹس فروخت ہوئے، جو اپریل میں گر کر 5009 اور مئی میں 5461 یونٹس تک پہنچ گئے۔ اس سے ظاہر ہوتا ہے کہ مارچ کے بعد سے آلٹو کی فروخت تقریباً نصف رہ گئی۔
لہذا، ہمارے خیال میں پاک سوزوکی ان سیگمنٹس میں اپنی بالادستی برقرار رکھنے کے لیے آلٹو اور سوئفٹ پر توجہ مرکوز کرنے کا ارادہ رکھتی ہے۔
پاک سوزوکی کا بیان
پاک ویلز نے اس خبر کی تصدیق کے لیے پاک سوزوکی سے رابطہ کیا۔ تاہم، ہمیں اس مضمون کی اشاعت تک کوئی جواب موصول نہیں ہوا۔ جب ہمیں کمپنی کی جانب سے کوئی حتمی جواب موصول ہو جائے گا تو ہم آپ کو اس بارے آگاہ کر دیں گے۔
سوزوکی کلٹس
پاک سوزوکی نے 2017 میں پاکستان میں نئی کلٹس لانچ کی۔ اس موقع پر گاڑی کے تین ویرینٹس ( VX, VXR, VXL) دیکھنے کو ملے۔ گاڑی نے اپنے آغاز سے ہی 1000 سی سی گاڑیوں کیٹیگری پر غلبہ جمائے رکھا۔ کار کی نمایاں خصوصیات میں ایئر بیگز، پاور ونڈوز، پاور سٹیئرنگ، اِموبیلائزر، کی لیس انٹری، اور الائے رِمز (ٹاپ 2 ویرینٹس) شامل ہیں۔
اس خبر کے بارے میں آپ کا کیا خیال ہے؟ کیا آپ کو لگتا ہے کہ کمپنی سوزوکی کلٹس کو بند کر دے گی؟ کمنٹس سیکشن میں اپنے خیالات کا اظہار کریں۔
