ایک ہفتہ قبل حکومت نے منی بجٹ پاس کیا اور مقامی طور پر تیار کی جانے والی اور درآمد شدہ گاڑیوں پر FED (فیڈرل ایکسائز ڈیوٹی) میں اضافہ کیا جس کے بعد اب کمپنیاں یکے بعد دیگرے گاڑیوں کی قیمتیں بڑھا رہی ہیں۔ سوزوکی، ٹویوٹا، ہنڈا، کِیا اور DFSK کے بعد چنگان نے بھی اپنی گاڑیوں کی قیمتیں بڑھا دی ہیں۔ گاڑیوں کی نئی قیمتیں یہ ہیں:
چنگان ایلسون کی نئی قیمتیں
منی بجٹ کے تحت چنگان ایلسوین کے 3 ویرینٹس پر FED میں اضافہ ہوا ہے (2.5% سے 5% تک) جس کے بعد ان کی نئی قیمتیں یہ ہیں۔
- چنگان ایلسوین کے بیس ویرینٹ 3L M/T کمفرٹ کی قیمت 2424000 روپے سے بڑھا کر 2489000 روپے کر دی گئی ہے۔ یعنی گاڑی کی قیمت میں 65000 روپے اضافہ کیا گیا ہے۔
- چنگان ایلسوین کے بیس ویرینٹ 5L DCT کمفرٹ کی قیمت 2674000 روپے سے بڑھا کر 2744000 روپے کر دی گئی ہے۔ یعنی گاڑی کی قیمت میں 70000 روپے اضافہ کیا گیا ہے۔
- ٹاپ آف دی لائن ویرینٹ ایلسون 5L DCT لیومری ویرینٹ کی قیمت میں 75000 روپے اضافہ کیا گیا ہے۔ یعنی گاڑی کی قیمت 2864000 روپے سے بڑھا کر 2939000 روپے کر دی گئی ہے۔
چنگان کاروان کی نئی قیمتیں
چنگان کاروان کے دونوں ویرینٹس پر FED کو 0 سے بڑھا کر 2.5 فیصد کر دیا گیا ہے جس کے بعد اس MPV (ملٹی پرپز وہیکل) کی قیمتیں بڑھ گئی ہیں۔
- چنگان کارواں کے بیس ماڈل کی قیمت میں 120000 روپے اضافہ کیا گیا ہے یعنی گاڑی کی قیمت 1674000 روپے سے بڑھا کر 1794000 روپے کر دی گئی ہے۔
- چنگان کارواں پلس ماڈل کی قیمت میں 130000 روپے اضافہ کیا گیا ہے یعنی گاڑی کی قیمت 1814000 روپے سے بڑھا کر 1944000 روپے کر دی گئی ہے۔
چنگان M9 کی قیمتیں
- 999 سی سی چنگان M9 پر عائد FED 5 فیصد کر دی گئی ہے لیکن اس کی قیمت میں کوئی اضافہ نہیں کیا گیا۔
چنگان کی نئی قیمت 22 جنوری سے لاگو ہو چکی ہیں۔
