کن کمپنیز نے گاڑیوں کی قیمتیں بڑھائیں؟

مارچ کا آغاز ہوتے ہی کمپنیز نے اپنی گاڑیوں کی قیمتوں میں اضافہ کر دیا۔ سب سے پہلے کِیا نے گاڑیوں کی قیمتیں بڑھائیں۔ اس کے بعد ٹویوٹا، ہیونڈائی نشاط اور ہنڈا نے بھی قیمتوں میں اضافے کا اعلان کیا۔ کمپنیوں نے پاکستانی روپے کی قدر میں کمی، مال برداری کی شرح میں اضافہ اور فریٹ ریٹ میں اضافے کو ان اضافے کی بنیادی وجوہات قرار دیا۔

اس آرٹیکل ہم تمام کمپنیز کیجانب سے قیمتوں میں کیے گئے اضافے پر بات کریں گے۔

کِیا گاڑیوں کی قیمتوں میں اضافہ

نئی قیمتوں کا اطلاق یکم مارچ 2022 سے ہوا۔ یہ بات قابل ذکر ہے کہ کمپنی کی جانب سے گزشتہ دو ماہ میں قیمتوں میں یہ دوسرا اضافہ تھا۔

نوٹیفکیشن کے مطابق یہ نئی نظر ثانی شدہ قیمتیں تھیں۔

کِیا پکانٹو

پکانٹوM/T کی نئی قیمت 2400000 روپے ہے جبکہ پرانی 2186000 ہے۔ یعنی گاڑی کی قیمت میں 214000 روپے کا اضافہ دیکھا گیا ہے۔ دریں اثنا، پکانٹو آٹومیٹک کی قیمت 2292000 روپے سے بڑھا کر 2500000 روپے ہے کر دی گئی ہے۔ یعنی گاڑی کی قیمت میں 208000 روپے کا اضافہ کیا گیا ہے۔

کیا سپورٹیج

کِیا سپورٹیج ایلفا کی قیمت میں 236000 روپے کا اضافہ دیکھا گیا ہے جس کے بعد گاڑی کی قیمت 4764000 روپے سے بڑھ کر 5000000 روپے ہو چکی ہے۔ اس کے علاوہ سپورٹیج FWD کی قیمت 5276000 روپے سے بڑھا کر 5500000 روپے کر دی گئی ہے۔ یعنی گاڑی کی قیمت میں 224000 روپے اضافہ کیا گیا ہے۔ کِیا سپورٹیج AWD کی قیمت میں 212000 روپے اضافہ کیا گیا ہے جس کے بعد گاڑی کی قیمت 5788000 روپے سے بڑھ کر 6000000 روپے ہو چکی ہے۔

کِیا سٹونک

کِیا سٹونک ایکس کی قیمت میں 400000 روپے کا اضافہ کیا گیا ہے جس کے بعد گاڑی کی قیمت 3750000 سے بڑھ کر 4150000 روپے ہو چکی ہے۔۔ اسی طرح کِیا سٹونک ایکس پلس کی قیمت میں 475000 روپے اضافہ کیا گیا ہے جس کے بعد گاڑی کی قیمت 3975000 روپے سے بڑھ کر4450000 روپے ہو چکی ہے۔

ٹویوٹا گاڑیوں کی قیمتوں میں اضافہ

ٹویوٹا کار کی قیمتوں میں اضافے کی خبریں دو دن سے گردش کر رہی تھیں اور 25 مارچ کو ایسا ہی ہوا۔ ایک نئے نوٹیفکیشن کے مطابق کمپنی نے قیمتوں میں 1257000 روپے تک اضافہ کیا۔

مقامی طور پر تیار شدہ تمام ٹویوٹا کاروں کی نئی قیمتیں یہ ہیں۔

ٹویوٹا یارِس کی نئی قیمت

ٹویوتا یارس کے 6 ویریںٹس آتے ہیں جن کی نئی قیمتیں ذیل میں درج ہیں:

• پہلا ویریئنٹ یارسGLI MT 1.3 ہے اور اس کی موجودہ قیمت 2612000 روپے ہے۔ گاڑی کی قیمت میں 287000 روپے کا اضافہ کیا گیا ہے جس کے بعد نئی قیمت 2899000 روپے ہو گئی ہے۔
• اس کے بعد یارس ATIV MT 1.3 ویرینٹ آتا ہے۔ جس کی قیمت میں 314000 روپے کا اضافہ دیکھا گیا ہے۔ جس کے بعد گاڑی کی قیمت 2745000 روپے سے بڑھ کر 3059000 روپے ہو چکی ہے۔
• گاڑی کا تیسرا ویرینٹ یارسGLI CVT 1.3 ہے اور اس کی قیمت میں 292000 روپے کا اضافہ کیا گیا ہے۔ جس کے بعد گاڑی کی قیمت 2817000 روپے سے بڑھ کر 3109000 روپے ہو چکی ہے۔
• چوتھا ویرینٹ یارسATIV CVT 1.3 ہے۔ جس کی قیمت 2919000 روپے تھی جبکہ 310000 روپے اضافے کے بعد نئی قیمت 3229000 روپے ہو چکی ہے۔
• یارس کا پانچواں ویرینٹ یارس ATIV X MT 1.5 ہے اور اس کی نئی قیمت 3289000 روپے ہے جبکہ 319000 روپے کے اضافے کے بعد گاڑی کی نئی قیمت 2970000 روپے ہو چکی ہے۔
• گاڑی کا آخری ویرینٹ یارس ATIV X CVT 1.5ہے۔ اس ویرینٹ کی قیمت میں 324000 روپے اضافہ کیا گیا ہے۔ جس کے بعد گاڑی کی نئی قیمت 3499000 روپے ہو چکی ہے جبکہ پرانی قیمت 3175000 روپے تھی۔

ٹویوٹا کرولا کی نئی قیمتیں

ٹویوٹا کرولا کے تمام نئے ویرینٹس کی نئی قیمتیں یہ ہیں۔

• پہلا ویرینٹ کرولا Altis X Manual 1.6 ہے اور اس کی پرانی قیمت 3380000 تھی جو اب بڑھ کر 3749000 روپے ہو چکی ہے۔ یعنی گاڑی کی قیمت میں 287000 روپے کا اضافہ کیا گیا ہے۔
• اس کے بعد کرولاAltis X Automatic 1.6 ویرینٹ آتا ہے۔ جس کی قیمت میں 395000 روپے کا اضافہ کیا گیا ہے۔ جس کے بعد گاڑی کی قیمت بڑھ کر3929000 روپے ہو چکی ہے جبکہ پرانی قیمت 3534000 روپے تھے۔
• گاڑی کا تیسرا ویرینٹ آلٹس ایکس آٹومیٹک 1.6 اسپیشل ایڈیشن (SE) ہے جس کی پرانی قیمت 3892000 روپے تھی جو اب بڑھ کر 4309000 روپے ہو چکی ہے۔ یعنی گاڑی کی قیمت میں 417000 روپے اضافہ ہوا ہے۔
• اس کے بعد آلٹس X CVT-i 1.8 ویرینٹ آتا ہے جس کی قیمت میں 427000 روپے کا اضافہ کیا گیا ہے۔ گاڑی کی نئی قیمت کر 4299000 روپے ہو چکی ہے جبکہ پرانی قیمت 3872000 روپے ہے۔
• گاڑی کا پانچواں ویرینٹ کرولا آلٹس گریںڈی ایکسCVT-i 1.8 (بیج انٹیریئر) ہے۔ جس کی قیمت 4179000 روپے سے بڑھ کر 4649000 روپے ہو چکی ہے۔ یعنی گاڑی کی قیمت میں 470000 روپے کا اضافہ کیا گیا ہے۔
• آخر میں کرولا آلٹس گریںڈی ایکسCVT-i 1.8 (بلیک انٹیریئر) ہے۔ جس کی قیمت 4199000 روپے سے بڑھ کر 4689000 روپے ہو چکی ہے۔ یعنی گاڑی کی قیمت میں 490000 روپے کا اضافہ کیا گیا ہے۔

ٹویوٹا فارچیونر کی نئی قیمتیں

ٹویوٹا فارچیونر کے 4 ویرینٹ آتے ہیں۔ جن کی نئی اور پرانی قیمتیں یہ ہیں۔

• پہلا ویریئنٹ فورچیونر 2.7 جی ہے۔ گاڑی کی پرانی قیمت 8569000 روپے تھی جو اب بڑھ کر 9499000 روپے ہو چکی ہے۔ یعنی گاڑی کی قیمت میں 930000 روپے کا اضافہ کیا گیا ہے۔
• دوسرا ویرینٹFortuner 2.7 ہے۔ جس کی قیمت کی قیمت میں 1008000 روپے کا اضافہ کیا گیا ہے۔ گاڑی کی نئی قیمت اس کی نئی قیمت 10949000 روپے ہو چکی ہے جبکہ پرانی قیمت 9941000 روپے ہے۔
• تیسرا ویریٹ فارچیونر 2.8 سگما 4 ہے۔ جس کی قیمت میں 1097000 روپے کا اضافہ کیا گیا ہے۔ جس کے بعد گاڑی کی قیمت 10392000 روپے سے بڑھ کر 11489000 روپے ہو چکی ہے۔
• چوتھے نمبر پر فارچیونر لیجنڈر آتا ہے۔ جس کی پرانی قیمت 10842000 روپے تھی۔ جو 1257000 روپے کے اضافے کے بعد اب 1257000 روپے ہو چکی ہے۔

ٹویوٹا ہائی لکس ریوو

ٹویوٹا ہائی لکس ریوو کے تمام ویریںٹس کی پرانی اور نئی قیمتیں یہ ہیں۔

• گاڑی کا پہلا ویرینٹ ہائی لکس ای ہے۔ جس کی پرانی قیمت 6395000 روپے تھی جو 664000 روپے کے اضافے کے بعد 7059000 روپے ہو چکی ہے۔
• اس کے بعد ہائی لکس ریوو جی مینوئل8 آتا ہے۔ جس کی قیمت 712000 روپے کے اضافے کے بعد 7659000 روپے ہو چکی ہے جبکہ پرانی قیمت 6947000 روپے ہے۔
• تیسرا ویرینٹ ہائی لکس ریوو جی آٹومیٹک ہے۔ جس کی قیمت 723000 روپے کے اضافے کے بعد 8029000 روپے ہو چکی ہے جبکہ پرانی قیمت 7306000 روپے تھے۔
• چوتھے ویرینٹ ہائی لکس ریوو وی آٹومیٹک8 کی پرانی قیمت 8032000 روپے تھی۔ جو اب بڑھ کر 8839000روپے ہو چکی ہے۔ یعنی گاڑی کی قیمت میں 807000 کا اضافہ کیا گیا ہے۔
• آخری ویرینٹ ہائی لکس ریوو روکو ہے۔ جس کی پرانی قیمت 8472000 روپے تھی۔ جو 847000 روپے کے اضافے کے بعد اب 9319000 روپے ہو چکی ہے۔

ہیوںڈائی گاڑیوں کی قیمتوں میں اضافہ

ہیونڈائی نشاط نے صرف اپنی کراس اوور ایس یو وی ہیونڈائی ٹوسان کی قیمتوں میں اضافہ کیا۔ کمپنی کے جانب سے جاری کردہ ایک نوٹیفکیشن کے مطابق نئی قیمتیں 25 مارچ 2022 اور اس کے بعد کی بکنگ کی تاریخ والے تمام آرڈرز پر لاگو ہوں گی۔

ہیونڈائی ٹوسان کی نئی قیمتیں یہ ہیں:

• ہیونڈائی ٹوسان GLS سپورٹ (FWD)کی قیمت میں 250000 روپے کا اضافہ کیا گیا ہے جس کے بعد گاڑی کی نئی قیمت 5799000 روپے ہو چکی ہے جبکہ پرانی قیمت 5549000 تھی۔
• اس کے علاوہ ہیونڈائی ٹوسان الٹی میٹ (AWD) کی قیمت میں 300000 روپے کا اضافہ کیا گیا ہے۔ جس کے بعد گاڑی کی قیمت 5999000 روپے سے بڑھ کر 6299000 روپے ہو چکی ہے۔

ہنڈا گاڑیوں کی قیمتوں میں اضافہ

کمپنی نے مقامی طور پر تیار شدہ اپنے تین ماڈلز ہنڈا سوِک، ہنڈا سٹی اور ہنڈا BR-V کی قیمتوں میں اضافہ کیا۔

ہنڈا سوِک کی قیمتیں

ہنڈا نے کچھ ہی عرصہ قبل 11 جنریشن کی نئی سِوک لانچ کی۔ جس کی قیمت پہلے ہی زیادہ رکھی گئی تھی اور اب نئی سوِک کے تینوں ویرینٹس کی قیمتیں مزید بڑھا دی گئی ہیں۔

• ہنڈا سوِک سٹینڈرڈ کی قیمت میں 300000 روپے اضافہ کیا گیا ہے۔ جس کے بعد گاڑی کی نئی قیمت 5399000 روپے ہو چکی ہے جبکہ پرانی قیمت 5099000 روپے تھی۔
• اسی طرح ہنڈا سوِک اورئیل کی قیمت میں 350000 روپے اضافہ کیا گیا ہے۔ جس کے بعد گاڑی کی قیمت 5399000 روپے سے بڑھ کر 5649000 روپے ہو چکی ہے۔
• ہنڈا سوِک RSکی نئی قیمت میں 400000 روپے اضافہ کیا گیا ہے۔ جس کے بعد گاڑی کی قیمت 6149000 روپے سے بڑھ کر 6499000 روپے ہو چکی ہے۔

ہنڈا سٹی کی قیمتیں

پچھلی بار ہنڈا نے 1200 سی سی سٹی کے دو ویرینٹس کی قیمتوں میں اضافہ نہیں کیا تھا لیکن اس بار کمپنی ہنڈا سٹی کے تمام ویرینٹس کی قیمتوں میں اضافہ کیا ہے۔

• ہںڈا سٹی 2L کی قیمت میں 400000روپے کا سب سے زیادہ اضافہ دیکھا گیا ہے۔ جس کے بعد گاڑی کی قیمت 2729000 روپے سے بڑھ کر 3129000 روپے ہو چکی ہے۔
• ہنڈا سٹی 2L CVTکی قیمت میں 300000روپے کا اضافہ ہوا ہے۔ جس کے بعد گاڑی کی قیمت 2949000 روپے سے بڑھ کر 2729000 روپے ہو چکی ہے۔
• اسی طرح ہنڈا سٹی 5L CVT کی قیمت میں 300000 روپے کا اضافہ کیا گیا ہے جس کے بعد گاڑی کی قیمت 3146000 روپے سے بڑ کر 3446000 روپے ہو گئی ہے۔
• ہنڈا سٹی 5L ایسپائر مینوئل کی قیمت میں 300000 روپے کا اضافہ دیکھا گیا ہے جس کے بعد گاڑی کی قیمت 3279000 روپے سے بڑھ کر 3579000 روپے ہو چکی ہے۔
• ہنڈا سٹی 5L ایسپائر CVT کی قیمت میں 295000 روپے اضافے کے بعد گاڑی کی نئی قیمت 2749000 روپے ہو چکی ہے جبکہ پرانی قیمت 3369000 روپے تھی۔

ہنڈا بی آر- وی کی قیمت

ہنڈا BR-V CVT S کی قیمت میں 390000 روپے اضافہ کیا ہے جس کے بعد گاڑی کی قیمت 3689000 روپے سے بڑھ کر 4079000 روپے ہو چکی ہے۔