انڈس موٹر کمپنی یعنی ٹویوٹا پاکستان نے اپنی امپورٹڈ گاڑیوں کی قیمتوں میں بڑی کمی کردی ہے۔ کمپنی کی جانب سے جاری کیے گئے نوٹیفکیشن میں کہا گیا ہے کہ صارفین کو کو اطمینان بحشنے کے لیے امپورٹڈ گاڑیوں کی قیمتوں میں کمی کی جا رہی ہے۔
قیمتوں میں کمی
کمپنی نے اپنی دو گاڑیوں کی قیمتوں میں کمی کی ہے۔
- ٹویوٹا کیمرے L2.5 ہائبرڈ کی قیمت میں 23869000 روپے کی زبردست کمی دیکھی گئی ہے۔ جس کے بعد گاڑی کی قیمت 53859000 روپے سے کم ہو 29990000 روپے ہو گئی ہے۔
- اسی طرح لینڈ کروزر 300 ZX کی قیمت میں 36829000 روپے کی کمی کی گئی ہے جس کے بعد گاڑی کی قیمت 156829000 روپے سے کم ہو کر 120000000 روپے ہو گئی ہے۔
شرائط و ضوابط
کمپنی کے مطابق:
- یہ قیمتیں خالصتاً عارضی ہیں اور تبدیل کی جا سکتی ہیں۔
- ان قیمتوں کو حتمی قیمت نہیں سمجھا جائے گا کیونکہ ڈیلیوری کے وقت کی قیمت لاگو ہوگی۔
- نئی قیمتیں 12 مارچ 2024 یا اس کے بعد کے انوائس کردہ تمام آرڈرز پر لاگو ہوں گی۔
- نئی قیمتیں سابق فیکٹری کراچی فی یونٹ ہیں اور ان میں سیلز ٹیکس، FED، CVT، اور ڈیلر کا کمیشن شامل ہے۔
کار اسمبلر نے قیمتوں میں اس اچانک کمی کی کوئی خاص وجہ نہیں بتائی ہے لیکن یہ کیمرے اور لینڈ کروزر خریدنے والے صارفین کے لیے ایک اچھی خبر ہے، غور کیا جائے تو یہ کمی کافی اہم ہے۔ پاکستان کا آٹو سیکٹر اب بھی غیر یقینی دور سے گزر رہا ہے کیونکہ معاشی حالات اب بھی غیر مستحکم ہیں، اور مستقبل قریب میں بھی ایسا ہی رہنے کا امکان ہے۔ حال ہی میں ایک طرف پاک سوزوکی نے اپنی کار کی قیمتوں میں اضافے کا اعلان کیا تو دوسری جانب کِیا پاکستان نے اپنی کراس اوور سپورٹیج کے نرخوں میں کمی کی جس کے بعد اب ٹویوٹا نے بھی اپنی امپورٹڈ گاڑیوں کی قیمتوں میں کمی کا اعلان کیا ہے۔
امید ہے کہ نئی حکومت آٹو موٹیو انڈسٹری کو بحال کرنے کے لیے ٹھوس اقدامات کرے گی تاکہ قیمتیں مستحکم یا کم ہو سکیں اور لوگ گاڑیاں خرید سکیں۔
ٹویوٹا سی بی یو کار کی قیمتوں میں ان کمیوں کے بارے میں آپ کا کیا خیال ہے؟ براہ کرم تبصرے کے سیکشن میں اپنے خیالات ہمارے ساتھ بانٹیں۔
