ٹویوٹا فورچیونر فیس لفٹ اِن تبدیلیوں کے ساتھ آئے گا

ٹویوٹا انڈس موٹر کمپنی (IMC) ٹویوٹا فورچیونر کا نیا فیس لفٹ لانچ کے لیے تیار ہے۔ ہمارے ذرائع کے مطابق یہ گاڑی مارکیٹ میں مئی-جون 2021 تک آئے گی۔ اس کے علاوہ خبریں بتاتی ہیں کہ 30,00,000 روپے کی جزوی پیمنٹس پر IMC اس گاڑی کی بکنگ شروع کر چکا ہے۔

‏IMC نے یہ قدم اس لیے اٹھایا ہے کیونکہ فورچیونر سگما ڈیزل، فورچیونر پٹرول (V) اور فورچیونر پٹرول (G) کے موجودہ ماڈلز مکمل طور پر ختم ہو چکے ہیں۔

نئی ٹویوٹا فورچیونر کی قیمت:

کمپنی نے اس کی قیمت ابھی تک ظاہر نہیں کی ہے لیکن اندازہ ہے کہ یہ تقریباً 5 فیصد زیادہ قیمت کی ہوگی اور فورچیونر V 15 فیصد زیادہ ہوگی، 4×2 اور 4×4 ڈرائیور ٹرین کے فرق کی وجہ سے۔

ویرینٹس فیس لفٹ کے ساتھ:

خبروں کے مطابق IMC نے ان تین ویرنٹس میں ہی فیس لفٹ متعارف کروائے ہیں:

• ‏SIGMA 4×4 (ڈیزل)
• فورچیونر V ‏4×4 (پٹرول)
• فورچیونر G ‏4×2 (پٹرول)

ٹویوٹا فورچیونر میں متوقع تبدیلیاں

دو ویرینٹس، SIGMA اور V گریڈ، نئی فرنٹ گرِل، بہتر بمپر ڈیزائن، ریئر LED لائٹس، ایڈوانسڈ فرنٹ، نئے الائے ویل ڈیزائن اور فرنٹ میں سلور اسکِڈ پلیٹ کے ساتھ آئیں گے۔ اس کے علاوہ فورچیونر G میں ان تبدیلیوں کے ساتھ ساتھ کچھ دوسری معمولی تبدیلیاں ہوں گی جو اسے اسٹینڈرڈ ویرینٹس سے ممتاز کریں گی۔

انجن پاور میں بہتری:

ظاہری تبدیلیوں کے ساتھ ساتھ ٹویوٹا SIGMA ویرینٹ میں 2.8L 1GD انجن کی صورت میں بہتری بھی متعارف کروا رہا ہے۔ کمپنی نے الیکٹرانیکلی کنٹرولڈ کامن رَیل انجکشن سسٹم اور سلنڈربلاک میں ڈھانچے کی بہتری کے علاوہ ٹربو چارجر کو بھی بہتر بنایا ہے۔ ساتھ ساتھ ایگزاسٹ مینی فولڈ ہارس پاور میں بہتری کا سبب بنتا ہے جو 180hp سے 210hp تک پہنچ چکی ہے جبکہ ٹارک میں 50Nm کی بہتری آئی ہے۔

‏1GD میں مزید تبدیلیوں میں بیلنس شافٹ کا اضافہ شامل ہے، جو انجن کے نوائس، وائبریشن اور ہارنیس (NVH) کو بہتر بنائے گا۔ ساتھ ہی نئی فورچیونر میں انجن کا شور رفتار پکڑنے کے دوران 10db کم ہوگا۔

اس کے علاوہ کمپنی نے موجودہ ماڈل کے مقابلے میں انجن کی فیول مؤثریت کو بھی 4 فیصد بہتر بنایا ہے۔