کافی سوچ بچار، فیس لفٹ ٹیزرز اور افواہوں کے بعد ٹویوٹا نے آخر فلپائنز میں اپنی نئی مِنی ہیچ بیک ویگو (Wigo) لانچ کر ہی دی۔ یہ گاڑی اپنے کومپیکٹ سائز، شکل و صورت اور ٹویوٹا کی بھروسہ مندی کی وجہ سے ملک میں سب سے زیادہ پسند کی جانے والی کاروں میں سے ایک ہے۔ نیا ماڈل پچھلے ماڈل کے مقابلے میں زیادہ خوبصورت، تیز اور شوخ ہے۔ البتہ نئی ویگو کے ایکسٹیریئر میں ڈائی ہاٹسو میرا کی کچھ جھلک بھی نظر آتی ہے۔
جاپانی آٹومیکر نے یہ کار چار مختلف ٹرِم لیولز میں لانچ کی ہے۔ بَیس-لیول ویگو E نامی پہلی کار 5-اسپیڈ مینوئل ٹرانسمیشن کے ساتھ آتی ہے اور ساڑھے 18 لاکھ روپے کی ہے۔ دوسری ویگو G ہے جو 20 لاکھ روپے کی ہے اور 5-اسپیڈ مینوئل ٹرانسمیشن میں اتی ہے۔ جبکہ 4-اسپیڈ آٹومیٹک ٹرانسمیشن والی ویگو G کو ساڑھے 21 لاکھ روپے میں خریدا جا سکتا ہے۔ چوتھی اور آخری گاڑی کا نام ویگو TRD ہے جو 4-اسپیڈ آٹومیٹک ٹرانسمیشن میں ہے اور 22 لاکھ 80 ہزار روپے کی ہے۔
انجن اور پرفارمنس:
نئی ویگو کے تمام ویرینٹس 3-سلنڈر 12-والو 1.0-لٹر DOHC VVTi پٹرول انجن کے ساتھ آئی ہیں جو 600 RPM پر 66 ہارس پاور اور 4000 RPM پر 89 Nm کا ٹارک پیدا کرتا ہے۔ یہ انجن 4-اسپیڈ آٹومیٹک یا 5-اسپیڈ مینوئل ٹرانسمیشن کے ساتھ ہو سکتا ہے، جس کا انحصار آپ کے خریدے گئے ویرینٹ پر ہے۔ مجموعی انجن پرفارمنس پاکستان میں لانچ کی گئی نئی سوزوکی کلٹس سے ملتی جلتی ہے۔
ایکسٹیریئر:
باقی دنیا اور پاکستان کی طرح فلپائنز میں بھی ٹریفک جام بڑا مسئلہ ہے۔ اس لیے یہ کومپیکٹ ڈیزائن مقامی مارکیٹ میں کافی مقبول ہے۔ یہ چھوٹی اور قابلِ اعتماد ہیچ بیک رش کے اوقات میں ایک جگہ سے دوسری جگہ جانے والے لوگوں کے لیے بہترین آپشنز میں سے ایک ہے۔
فرنٹ میں یہ گاڑی ایک بہترین اور نمایاں بمپر رکھتی ہے جو نئی ہموار ہیڈلائٹس اور مزید خوبصورت گرِل رکھتا ہے۔ گاڑی کا فرنٹ بہت متاثر کن لگتا ہے اور غالب نظر آتا ہے۔ اس کے ساتھ ساتھ گاڑی کا ٹرنک ایک چھوٹی ہیچ بیک کے لیے ذرا زیادہ نمایاں لگتا ہے۔ ابھری ہوئی اور آنکھوں کو بھلی لگنے والی ٹیل لائٹس ٹرنک پر پھیلی ہوئی ہیں۔ جبکہ TRD ویرینٹ کا پچھلا بمپر مختلف fake vents اور دو رفلیکٹرز کے ساتھ آتا ہے، جو بلاشک و شبہ کمپنی کا بہت ہی دلیرانہ قدم ہے۔ البتہ، اس کا انحصار خریدار پر ہے کہ وہ انہیں پسند کرتا ہے یا نہیں۔
اس کے ساتھ ساتھ صارفین ہر ویرینٹ کے لیے چھ مختلف رنگوں میں سے انتخاب کر سکتے ہیں۔ کمپنی نے یہ ماڈل کالے، سلوَر میٹالک، لال، سفید، اورنج میٹالک اور گرے میٹالک میں لانچ کیا ہے۔ گاڑی TRD ٹرِم میں آپشنل ریس-کورس پیلے رنگ میں بھی آتی ہے۔ TRD ماڈل سائیڈ اسکرٹس، دو رنگوں کے ریئر اسپوائلر، مختلف لائٹنگ یونٹس اور TRD ڈیکالز اور بیجز کے ساتھ آتی ہے۔
انٹیریئر:
ٹویوٹا نے ویگو کے انٹیریئر کو بھی بہتر بنایا ہے۔ نیا ماڈل ری ڈیزائن کی گئی سیٹوں کے ساتھ آتا ہے جبکہ ہائی-اینڈ ویرینٹس میں پاور سائیڈ مررز اور ریئر اینڈ کیمرا موجود ہے۔ اس کے علاوہ بیس ای-ٹرِم لیولز صرف مینوئلی ایڈجسٹ ایبل سائیڈ مررزاور ایک عدد DIN اسٹیریو سسٹم پیش کرتے ہیں۔ اچھے ویرینٹس میں کسٹمرز کو ڈجیٹل AC پینل، کی لیس انٹری، ٹچ اسکرین انفوٹینمنٹ سسٹم اور پُش اسٹارٹ اگنیشن ملتا ہے۔ TRD ویرینٹ ایک ایپل کار پلے اور اینڈرائیڈ آٹو انفوٹینمنٹ سسٹم بھی رکھتا ہے۔
اس کے علاوہ اس ماڈل کے تمام ویرینٹس ABS، 3-پوائنٹ سیٹ بیلٹس، ڈرائیور-پیسنجر سیٹ ایئربیگز اور چائلڈ لاک پروٹیکشن رکھتے ہیں۔ لانچ کے وقت میڈیا سے بات کرتے ہوئے ٹویوٹا موٹرز فلپائنز (TMP) کے صدر اتسوہیرو اوکاموتو نے کہا کہ نئی ویگو ویسی ہی مثالی کار ہے جو اپنے پچھلے ماڈلز میں بھی ایسی ہی بھروسہ مندی اور خاصیت پیش کرتی تھی۔ اوکاموتو نے کہا کہ “کار TRD ویرینٹ کے ساتھ زیادہ ایڈوانس، محفوظ، مزیدار، آرام دہ اور اسٹائلش ہو گئی ہے۔”
پاکستان کی طرح فلپائنز کی آبادی کا بڑا حصہ بھی نوجوانوں پر پر مشتمل ہے، جس کا مطلب ہے کہ یہ کار ملک میں اپنی جگہ مضبوط کرنے کا زبردست موقع رکھتی ہے۔
