ٹویوٹا پاکستان نے گاڑیاں فروخت کرنے کا ایک اور ریکارڈ قائم کیا ہے۔ کمپنی کے مطابق اس نے گزشتہ ماہ اکتوبر 2021 میں ٹویوٹا گاڑیوں کے 7001 یونٹس فروخت کیے ہیں۔ کمپنی کی جانب سے سوشل میڈیا پر کی گئی پوسٹ میں کہا گیا ہے کہ “انڈس موٹر کمپنی ایک اور ریکارڈ ساز مہینے کا اعلان کرتے ہوئے انتہائی فخر محسوس کر رہی ہے۔”
سب سے اہم بات یہ ہے کہ یہ 1993 کے بعد سے ٹویوٹا کے آغاز سے اب تک کی سب سے زیادہ سیل ہے۔ کمپنی کا کہنا ہے کہ ہم اپنے تمام وفادار صارفین کے شکر گزار ہیں جنہوں نے ہمیں مسلسل سپورٹ کیا۔
Indus Motor Company is extremely proud to announce another record-breaking month with 7,001 units sold in the month of October 2021 – highest since its inception in 1993.
We are thankful for all our loyal customers who have continuously supported us. #ToyotaPakistan pic.twitter.com/ykV8p9wcJw— Toyota Pakistan (@ToyotaPak) November 1, 2021
ایک طرف جبکہ کورونا کے پھیلاؤ کی وجہ سے انڈسٹری مشکلات کا شکار ہے تو دوسری جانب کمپنی کی ریکارڈ سیلز ایک عظیم سنگ میل ہے۔ ٹویوٹا ہمیشہ سے پاکستان میں ٹاپ برانڈ رہا ہے کیونکہ صارفین اس کی گاڑیوں کو پائیداری، موثر دیکھ بھال اور سستے سپیئر پارٹس کی وجہ سے پسند کرتے ہیں۔
ٹویوٹا یارس کے آغاز کے بعد سے کمپنی کی سیل میں نمایاں اضافہ ہوا ہے کیونکہ اس کومپیکٹ سیڈان نے اپنے حریف ہنڈا سٹی اور ہنڈا سِوک کو پیچھے چھوڑ دیا ہے اور اکتوبر کی سیل ثابت کرتی ہے کہ ٹویوٹا گاڑیوں کی فروخت اب بھی بڑھ رہی ہے۔
ٹویوٹا پاکستان کی گزشتہ 3 ماہ کی سیلز
ٹویوٹا انڈس نے مالی سال 22 کی پہلی سہ ماہی میں 65.55 ارب روپے کا نیٹ سیلز ریونیو اکٹھا کیا جبکہ مالی سال کے اسی دورانیے میں کمپنی نے 34.14 ارب روپے کا ریونیو اکٹھا کیا۔ جس سے ظاہر ہوتا ہے کہ رواں سال ترقی کا عنصر 92 فیصد ہے۔
کمپنی نے مالی سال 22 کی پہلی سہ ماہی میں اپنی مقامی طور پر تیار کردہ گاڑیوں کے 18646 یونٹس فروخت کیے جو کہ مالی سال 2021 کی پہلی سہ ماہی میں فروخت ہونے والے 11715 یونٹس سے 59 فیصد زیادہ ہیں۔ ہمیں CBU کی فروخت کی صحیح تعداد کا علم نہیں ہے، لیکن یہ پچھلے سال کے مقابلے سے کہیں زیادہ ہے۔
ٹویوٹا انڈس موٹرز کمپنی نے مالی سال 2022 کی پہلی سہ ماہی میں 5.42 ارب روپے کا منافع کمایا جبکہ مالی سال 2021 کی پہلی سہ ماہی میں 1.84 ارب منافع کمایا۔ رواں سال منافع میں ترقی کا عنصر 195 فیصد ہے۔
ٹویوٹا انڈس موٹرز کمپنی کی دیگر آمدنی مالی سال 2022 کی پہلی سہ ماہی میں بڑھ کر 2.04 ارب روپے ہو چکی ہے جبکہ مالی سال 2021 کی پہلی سہ ماہی میں یہ آمدنی 1.08 ارب روپے تھی۔ یہاں ترقی کا عنصر 88 فیصد ہے۔
کمپنی کی فی حصص آمدنی 23.48 روپے سے بڑھ کر 69.02 روپے تک پہنچ گئی۔
کیا آپ ٹویوٹا کے خریداروں میں سے ایک ہیں؟ اس بارے آپ کیا سوچتے ہیں؟ نیچے دئیے گئے کمنٹس سیکشن میں اپنے خیالات کا اظہار کریں۔
