یونائیٹڈ موٹرز نے براوو اور ایلفا کی قیمتوں میں اضافہ کر دیا

یونائیٹڈ موٹرز نے بھی دیگر کار کمپنیوں کی طرح اپنی گاڑیوں کی قیمتوں میں اضافہ کر دیا ہے۔ کمپنی نے 12 نومبر بروز جمعہ قیمتوں پر نظرثانی کرتے ہوئے نوٹیفکیشن جاری کیا۔ یونائیٹڈ براوو اور یونائیٹڈ الفا کی نئی قیمتیں یہ ہیں۔

یونائیٹڈ براوو کی نئی قیمت

یونائیٹڈ موٹرز نے اپنی 800 سی سی ہیچ بیک کی قیمت میں 119000 روپے کا اضافہ کر دیا ہے جس کے بعد گاڑی کی قیمت 1030000 روپے سے بڑھ کر اب 1149000 روپے ہو چکی ہے۔

یونائیٹڈ الفا کی نئی قیمت

یونائیٹڈ موٹرز نے ایلفا کی قیمت میں 140000 روپے کا اضافہ کیا ہے جس کے بعد اس 1000 سی سی گاڑی کی قیمت 1399000 روپے ہو چکی ہے جبکہ پرانی قیمت 1259000 روپے تھی۔

نئی گاڑیوں کی قیمتیں یکم دسمبر سے لاگو ہوں گی۔

کمپنی کا جاری کردی اہم نوٹ

یونائیٹڈ موٹرز نے سرکاری نوٹیفکیشن میں چند اہم چیزیں شامل کی ہیں۔

• نئی قیمتیں ایکس فیکٹری ہیں اور 01-12-2021 اور اس کے بعد موصول ہونے والے تمام نئے آرڈرز پر لاگو ہوتی ہیں۔
• 01-12-2021 تک ڈیلر اسٹاک کی انوائس اوپر بتائی گئی نئی قیمتوں پر کی جائے گی۔
• منزل کے مطابق مذکورہ قیمتوں میں فریٹ شامل کیا جائے گا۔
• مذکورہ قیمتوں میں ایڈوانسڈ انکم ٹیکس بھی شامل کیا جائے گا۔

دیگر تمام کمپنیوں کی طرح یونائیٹڈ موٹرز نے بھی ڈالر کے مقابلے میں پاکستانی روپے کی قدر میں کمی، فریٹ کی بڑھتی ہوئی لاگت اور خام مال کی کی بڑھتی قیمتوں کو گاریوں کی قیمت میں اضافے کی وجوہات قرار دیا ہے۔

واضح رہے کہ پاکستان کی مقامی طور پر تیار کی جانے والی سستی ترین گاڑیوں کی قیمتیں بھی بڑھ گئی ہیں۔

گاڑیوں کی قیمتوں میں مسلسل اضافے کے بارے میں آپ کیا سوچتے ہیں۔ آپ یونائیٹڈ موٹرز کو دوسری کار کمپنیوں کی خصوصیات کی پیروی کرنے پر کیا کہیں گے؟ یونائیٹڈ کار کی نئی قیمتوں کے بارے میں اپنے خیالات نیچے دئیے گئے کمنٹ سیکشن میں شیئر کریں۔

اب ہر کوئی پروٹون، چنگان اور ایم جی کا انتظار کر رہا ہے کہ ان کی جانب سے گاڑیوں کی قیمتوں میں کتنا اضافہ کیا جاتا ہے۔ اس بارے خبر آتے ہی ہم آپ کو اپ ڈیٹ کریں گے۔