حالیہ تقریبات میں،الحاج فاء نے کمپنی کے کامیاب ماڈل ایکس پی وی پر مبنی مقامی طور پر تیار کردہ ایمبولینس کی دستیابی کا اعلان کیا،اس کا نام ایکس پی وی ایمبولینس رکھا گیا ہے،اس گاڑی کی قیمت گیارہ لاکھ انانوے ہزار بتائی جا رہی ہے،جو کہ مریض اور ہاؤس پیرا میڈیکل سٹاف کے آنے جانے کیلئے تمام بنیادی سہولیات کی حامل ہے۔یہ گاڑی ابتدائی طبی امداد کے حوالے سے ایمرجنسی کی صورت میں فوری عملدرآمدکے لئے تمام ضروری سامان بھی رکھتی ہے۔
ذرائع کے مطابق فاء نے یہ اقدام اپنی لوکل فیبریکیشن کو یوٹلائیز کرنے کے لئے اٹھا یا ہے۔فاء پاکستان نے فاء ایکس پی وی مِنی وین کو اپریل 2012میں سی بی یو کے طور پر متعارف کروایا تھااور ستمبر 2012 کو اسے آفٹر سیلز کی وجہ سے اسیمبل کرنا شروع کیا تھا۔ایکس پی وی فاء کی جانب سے پیش کردہ سات سیٹوں پر مشتمل ایک مِنی وین ہے جو کہ سوزوکی بولان کے مقابلے میں متعارف کروائی گئی جوپاکستانی مارکیٹ میں مِنی وین طرز کی سب سے آزمودہ گاڑی ہے۔
مِنی وین یا ایم پی وی طرز کی سواریاں پاکستانی آٹو انڈسٹری میں بہت اہمیت کی حامل ہیں، جس کی دو بڑی وجوہات ہیں۔
٭ پہلی،پاکستان کے لوگ فیملی سسٹم کو ترجیح دیتے ہیں اور عام طور پر جوائنٹ فیملی سسٹم میں رہتے ہیں۔
٭ دوسری،پاکستان کے کمرشل ایریاز بہت تنگ ہیں اور بڑے ٹرک اور وین نکل و حرکت میں ہمیشہ مشکلات کاسامنا کرتے ہیں یا پھنس جاتے ہیں۔
پاکستان میں ایکس پی وی کا تعارف مقامی مینوفیکچرڈایم پی وی مارکیٹ میں ایک نئی آپشن کی ضرورت کو اجاگر کرنے میں مددگار ثابت ہو گا۔اگر بڑھتی ہو ئی اکانو می کے حالات کو مدِنظر رکھا جائے، تو سواری کی بڑھتی ضرورت اورپاکستان کے انفراسٹرکچر پراجیکٹس کی بدولت ایکس پی وی کی اور کمرشل گاڑیوں مانگ آنے والے چند سالوں میں مزید بڑھنے گا امکان ہے۔
نیچے کمنٹ کر کے اس حوالے سے ہمیں اپنی رائے سے آگاہ ضرور کریں
