وزیر سائنس و ٹیکنالوجی چوہدری فواد حسین نے کہا ہے کہ ڈرائیور کے بغیر چلنے والی گاڑیاں اگلے چند سالوں میں پاکستان کی سڑکوں پر ہوں گی۔ انہوں نے یہ بھی کہا کہ PTI حکومت اس امر کو یقینی بنانے کے لیے منصوبہ بندی کر رہی ہے کہ جدید ترین ٹیکنالوجی پاکستان میں متعارف کروائی جائے۔ فواد چوہدری نے زور دیا کہ ڈرائیورلیس کاریں پہلے سے وزارت سائنس و ٹیکنالوجی کے ایجنڈے پر موجود ہیں، اور یہ وزارت کا ہدف ہے کہ پاکستان میں جدید ترین ٹیکنالوجی لائے۔ وزیر نے یہ بھی کہا کہ سڑکوں پر پیش آنے والے حادثات کے نتیجے میں اموات میں بھی 90 فیصد کمی آئے گی۔
وزیر نے اپنے بیان میں گوگل کا حوالہ دیتے ہوئے کہا کہ وہ خود مختار اور ڈرائیور کے بغیر چلنے والی گاڑیوں کے تجربات کے آخری مرحلے میں ہیں۔ ٹیسلا بھی اپنے آٹو پائلٹ فیچر کے ساتھ خود مختار اور ڈرائیورلیس ٹیکنالوجی میں قسمت آزمائی کر چکا ہے۔ البتہ پچھلے چند سالوں میں اس فیچر کو متعدد مسائل کا سامنا کرنا پڑا ہے اور یہ اب بھی مزید بہتر بنانے کے عمل سے گزر رہا ہے۔ ان کے مطابق پاکستان اس ٹیکنالوجی کو متعارف کروانے کے لیے ضروری انفرا اسٹرکچر رکھتا ہے۔
انہوں نے پولیس کو جدید ٹیکنالوجی سے لیس کرنے کا کریڈٹ بھی لیتے ہوئے کہا کہ اس قدم نے عوامی اعتماد کو بحال کیا اور پولیس کو مزید مؤثر بنایا۔ فواد چوہدری کے مطابق سوشل میڈیا کی تیز رفتار تقاضا کرتی ہے کہ دنیا ہماری پولیس ٹیکنالوجی کو قبول کرے اور فوری ایکشن لینے کے لیے ہمہ وقت آگاہ رہے۔
ڈرائیور-لیس کاروں کی آمد موٹروے پر ہمارے سفر کے طریقو ں کو بدل کر رکھ دے گی۔ پاکستان کئی سالوں سے نئی موٹرویز بنانے میں مصروف ہے اور ڈرائیور لیس کاریں متعارف ہونے سے زیادہ سے زیادہ افراد سڑکوں سے سفر کرنے کو ترجیح دیں گے۔ البتہ ایسی ٹیکنالوجی شہری علاقوں میں متعارف کروانا ایک چیلنج ہوگا۔ ایسی ٹیکنالوجیاں پیش کروانا پاکستان کی اپنی عالمی ساکھ بہتر بنانے میں مدد دے گا اور اسے ترقی یافتہ اقوام کے شانہ بشانہ لائے گا۔
مزید معلومات اور اس حوالے سے خبروں کے لیے پاک ویلز پر آتے رہیں۔ اس موضوع پر اپنی رائے نیچے تبصروں میں پیش کیجیے کہ آپ پاکستان میں ڈرائیورلیس کاریں متعارف کروانے کے حق میں ہیں یا نہیں۔
