سندھ پولیس ڈپارٹمنٹ نے صوبے میں حد سے زیادہ رفتار اور حادثات جیسی ٹریفک خلاف ورزیوں کو روکنے کے لیے ایک منصوبے کا آغاز کر دیا ہے۔ صوبے میں متعدد ایسے واقعات پیش آئے ہیں جن میں کم عمر ڈرائیورز ملوث تھے۔ صوبہ سندھ میں عوام تبھی ایک نئی موٹر سائیکل خریدنے کے قابل ہوں گے جب وہ کم از کم ڈرائیونگ لائسنس ضرور رکھتے ہوں گے۔ اس سے ڈرائیونگ لائسنس حاصل کرنے اور سڑکوں پر موٹر سائیکل نکالنے سے قبل ڈرائیونگ سیکھنے کی حوصلہ افزائی بھی ہوگی۔ مزید یہ کہ اس سے سڑک پر موٹر سائیکل چلانے والے ہر فرد کی مناسب دستاویزات بھی یقینی ہوں گی۔
ڈرائیونگ لائسنس کو لازمی بنانے کی تجویز سندھ پولیس کے آئی جی سید کلیم امام کی زیر قیادت ایک اجلاس میں پیش کی گئی تھی۔ اجلاس سکیورٹی خامیوں اور موٹر سائیکل چوری جیسے واقعات کے خاتمے کے حوالے سے ہوا تھا۔ موٹر سائیکل بنانے والے اداروں اور CIA کے نمائندگان بھی اجلاس میں موجود تھے۔
آئی جی سندھ پولیس نے حکام کو یہ بھی ہدایت کی کہ موٹر سائیکل سوار لازماً ہیلمٹ پہنے ہوئے ہوں اور ڈرائیونگ لائسنس اور رجسٹریشن بک بھی ان کے پاس ہو۔
یہ اقدامات موٹر سائیکل چوری اور ان کو استعمال کرتے ہوئے ہونے والی ڈکیتی کی وارداتوں کو کم کرنے میں مدد دیں گے۔
مزید برآں، اسٹریٹ کرائمز بھی عموماً ایسی موٹر سائیکل استعمال کرتے ہوئے کیے جاتے ہیں جو رجسٹرڈ نہیں ہوتی یا چوری کی ہوتی ہے۔ موٹر سائیکلوں کے اسپیئر پارٹس کی غیر قانونی تجارت کے حوالے سے ایک کریک ڈاؤن پر بھی اجلاس میں غور کیا گیا۔ موٹر سائیکل بنانے والوں کے لیے ہُک لاکس بنانے کو لازمی قرار دینے کا ایک خط بھی سیکٹر میں کوالٹی اسٹینڈرڈز کو دیکھنے والے ادارے PSQCA کو بھیجا گیا۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
