سوزوکی پاکستان کو سوزوکی سِیاز متعارف کروائے ابھی زیادہ عرصہ نہیں ہوا۔اور یہ کہنا بھی غلط نہ ہو گا کہ یہ نئی سیڈان سیلز کے حوالے سے ایک مشکل دور سے گزر رہی ہے۔سیاز کابراہِ راست مقابلہ ہنڈا سِٹی سے ہے۔اور جیسا کہ ہم آٹھ سال پرانی سٹی رکھتے ہیں مگر پھر بھی وہ نئی نکور سِیاز کو کڑی ٹکر دے رہی ہے۔ٹویوٹا کرولا کے سستے ترین (تمام ایک اعشاریہ تین)ماڈلز کی قیمت بھی تقریباً اتنی ہی ہے جتنی کہ سیاز کے دونوں ماڈلز کی ہے۔تو،یہ کہنا غلط نہ ہو گاکہ سوزوکی سیاز کو بہت زیادہ مقابلہ کرنا پڑ رہا ہے۔یہ صورتحال اس نئی آنے والی گاڑی کے لئے پہاڑسر کرنے کی مانند ہے۔
٭ سوزوکی سِیاز۔
زیادہ یونٹس فروخت کرنے کے لئے، پاک سوزوکی نے ایک نئی تشریحی مہم شروع کی ہے۔مگر اب کی بار سوزوکی الفلاح بینک کے تعاون سے آپ کو اپنی پرانی گاڑی نئی سوزوکی سیاز سے تبدیل کروانے کی پیشکش کر رہی ہے۔ فیس بک پیج پر پوسٹ کی جانے والی نئی پیشکش کے مطابق اپنی پرانی سوزوکی سوِفٹ لا کر اس کو ”نئی نکور کے سیریز وی وی ٹی فیول ایفیشنٹ سپورٹی اور لگثری سوزوکی سیاز“سے تبدیل کروانے کی دعوت دی گئی ہے۔
٭ سوزوکی سِیازکی ایکسچینج مہم۔
اگر پاکستانی اور بین الاقوامی اعتبار سے دیکھا جائے تو یہ کو ئی نیا عمل نہیں ہے۔ کمپنیاں اکثرمختلف طریقوں سے اپنی گاڑیاں فروخت کرنے کی کوشش کرتی رہتی ہیں۔اور اس طرح کا ایکسچینج پروگرام بھی کوئی نئی چیز نہیں ہے۔ٹویوٹا انڈس نے بھی بالکل یہی طریقہ کار اپنایا تھا جب انہوں نے فارچیونر 2017متعارف کروائی تھی۔مگر یہاں بات یہ آتی ہے کہ ٹویوٹا فارچیونر ہاتھوں ہاتھ فروخت ہوئی۔مجھے نہیں لگتا کہ اس سکیم کا تعلق کسی طرح فارچیونر کی فروخت سے تھا۔فارچیونر کی ڈیمانڈ کافی زیادہ تھی اور اس کا ڈلیوری ٹائم تقریباً چھ سے سات ماہ تھا۔مگر اب کی بار،ہمارے پاس سوزوکی سیاز ہے جو کہ پہلے ہی مشکلات سے دوچار ہے۔اور یہ دیکھنا کافی دلچسپ ہو گا کہ یہ آفر سوزوکی سِیازکی فروخت پر مثبت اثرات مرتب کر تی ہے یا نہیں۔
